சாணக்கியர் சொல்லும் இந்த குணங்கள் இருந்தால் செல்வம் தானாக வரும்!

சாணக்கியர் இந்திய வரலாற்றின் தலைசிறந்த தத்துவஞானிகளில் ஒருவராக மட்டுமல்லாமல், சிறந்த அரசியல் மற்றும் பொருளாதார ஆலோசகராகவும் விளங்கியவர். 

சந்திரகுப்த மௌரியரும் சாணக்கியரும் இணைந்து செயல்பட்ட காலகட்டமே மௌரியர்களின் பொற்காலம் என்று வரலாற்றில் போற்றப்படுகிறது.

ஆச்சார்ய சாணக்கியரின் கருத்துப்படி, ஒருவரிடம் போதுமான செல்வம் இருந்தால், வாழ்க்கையில் ஏற்படும் பல பெரிய சவால்களையும் தன்னம்பிக்கையுடன் சமாளிக்க முடியும்.

ஆனால், பணம் மட்டும் வாழ்க்கையின் வெற்றியை நிர்ணயிப்பதில்லை. அதனுடன் சேர்த்து, ஒவ்வொருவரிடமும் இருக்க வேண்டிய சில உயர்ந்த குணங்களும் அவசியம் என்கின்றார்.

சாணக்கியரின் போதனைகளின்படி, குறிப்பாக பணம் மற்றும் செல்வம் தொடர்பான விஷயங்களில் ஒவ்வொருவரும் ஒரு முக்கியமான பண்பை வளர்த்துக்கொள்ள வேண்டும்.

அந்த ஒரு சிறப்பான குணமே ஒருவரை பொருளாதார ரீதியாக முன்னேறச் செய்து, அதிக செல்வத்தை ஈட்டுவதற்கான அடித்தளமாக அமையும்.சாணக்கியர் வலியுறுத்திய அந்த அரிய குணங்கள் என்ன என்பதை இந்தப் பதிவில் விரிவாகப் பார்க்கலாம்.

ஆடி மாதத்தில் கிரகங்களின் ஆட்டம்: எந்த ராசிக்காரர்கள் எச்சரிக்கையாக இருக்க வேண்டும்?

அந்த முக்கிய குணங்கள் என்னென்ன? 

அறிவு 

"அறிவே ஒருவரிடம் இருக்கும் மிகப்பெரிய செல்வம்" என்று சாணக்கிய நீதி கூறுகிறது. அறிவை எவ்வளவு பகிர்ந்தாலும் அது ஒருபோதும் குறையாது; மாறாக மேலும் வளர்ந்துகொண்டே இருக்கும்.

இதை விளக்குவதற்காக சாணக்கியர் அறிவை காமதேனுவுடன் ஒப்பிடுகிறார். காமதேனு பசு எப்போதும் குறைவில்லாமல் பால் தருவது போல, அறிவும் பகிர்ந்துகொண்டால் குறையாது. அதனால் முடிந்தவரை தன்னிடம் உள்ள அறிவை மற்றவர்களுடன் பகிர்ந்துகொள்ள வேண்டும் என்று அவர் வலியுறுத்துகிறார்.

சிக்கல்களுக்கு அறிவே தீர்வு

கருத்துப்படி, அறிவு என்பது தனது குழந்தையை எந்தச் சூழலிலும் காக்கும் தாயைப் போன்றது. அறிவின் துணையால் வாழ்க்கையில் வரும் பல்வேறு சவால்களையும் சிக்கல்களையும் எளிதாக சமாளிக்க முடியும். ஒருவரின் வாழ்க்கையில் எத்தனை பிரச்சினைகள் வந்தாலும், தனது அறிவையும் சிந்தனைத் திறனையும் பயன்படுத்தி அதற்கான தீர்வைக் கண்டுபிடிக்க முடியும் என்று சாணக்கியர் கூறுகிறார்.

6 தலைமுறைகள் - 83 பேர்... ஒற்றுமையாக வாழும் அதிசயக் கூட்டுக் குடும்பம்! எங்கு தெரியுமா?

அறிவு ஏன் ரகசியச் செல்வம்?

சாணக்கியரின் பார்வையில், அறிவு என்பது ஒருபோதும் தீர்ந்துபோகாத ரகசியச் செல்வம். அது இக்கட்டான காலங்களிலும் மனிதனுக்கு துணையாக இருந்து, இருளிலிருந்து வெளிச்சத்திற்கு வழிகாட்டும் ஆற்றல் கொண்டது.

ஒருவரின் அறிவு எப்போதும் வெளிப்படையாகத் தெரியாது; ஆனால் சரியான தருணத்தில் அதன் உண்மையான மதிப்பு வெளிப்படும்.அதனால்தான் அறிவை அவர் "ரகசியச் செல்வம்" என்று குறிப்பிடுகிறார்.

அறிவை பகிர்ந்தால்தான் அதன் மதிப்பு உயரும்

அறிவு தனிநபருக்குச் சொந்தமானதாக இருந்தாலும், அதை தனக்குள் மட்டுமே வைத்துக்கொள்வது சரியல்ல. அந்த அறிவை மற்றவர்களுடன் பகிர்வதன் மூலம் சமூகமும் முன்னேறும். கல்வியும் அறிவும் ஒருவரின் வாழ்க்கையை மட்டுமல்ல, பல தலைமுறைகளின் எதிர்காலத்தையும் மாற்றும் வல்லமை கொண்டவை.

அறிவைப் பகிர்ந்துகொள்ளும் போதுதான் அதன் உண்மையான பயன் வெளிப்படும். சமூகத்தில் பணம் உள்ளவர்கள் மதிக்கப்படலாம். ஆனால் அறிவுச் செல்வம் கொண்டவர்களே மற்றவர்களுக்கு வழிகாட்டிகளாகவும், நீண்ட காலம் நினைவுகூரப்படும் மனிதர்களாகவும் திகழ்வார்கள் என்று சாணக்கியர் கூறுகிறார்.