லங்காசிறி FM
நீரிழிவு நோயாளிகள் மாம்பழம் சாப்பிடலாமா கூடாதா? நிபுணர் விளக்கம்
தற்போது கோடை காலம் தொடங்கி விட்டதால் எல்லோரும் மாம்பழத்தை சாப்பிடுகிறார்கள். ஆனால் நீரிழிவு நோயாளிகள் மாம்பழம் சாப்பிடலாமா இல்லையா என்பதை நிபுணர் விளக்கத்துடன் பார்க்கலாம்.
நீரிழிவு நோய்
தற்போது கோடைக்காலம் தொடங்கியுள்ளதால் எல்லோரும் மாம்பழம் சாப்பிடுவதில் மிகவும் ஆர்மாக இருப்பார்கள். ஆனால், நீரிழிவு நோயாளிகள் மாம்பழம் சாப்பிடலாமா என்பது பலருக்கும் இருக்கும் கேள்வி.
மாம்பழங்களில் இயற்கையான சர்க்கரை அதிகமாக இருப்பதால், அது இரத்தச் சர்க்கரை அளவை அதிகரிக்கும் அபாயத்தைக் கொண்டுள்ளது.
எனவே, எச்சரிக்கையுடன் இருப்பது அவசியம். நீரிழிவு நோயாளிகள் மாம்பழம் சாப்பிடலாமா என்பதை PSRI மருத்துவமனையின் உணவியல் துறைத் தலைவர் ஷாலினி பிளிஸ் விளக்குகிறார். இதை பற்றி விரிவாக பார்க்கலாம்.
நிபுணர் விளக்கம்
குறைந்த அளவில் உட்கொள்ளலாம்
ஷாலினி பிளிஸ்ஸின் கூற்றுப்படி, நீரிழிவு நோயாளிகள் மாம்பழம் சாப்பிடுவதை முற்றிலுமாகத் தவிர்க்க வேண்டிய அவசியம் இல்லை. அவர்கள் மாம்பழங்களைச் சரியான அளவில் சாப்பிட்டால் போதும்.
மாம்பழங்களில் நார்ச்சத்து, வைட்டமின் ஏ மற்றும் வைட்டமின் சி போன்ற உடலுக்கு நன்மை தரும் ஊட்டச்சத்துக்களும் உள்ளன.
இருப்பினும், மாம்பழங்களில் உள்ள ஃபிரக்டோஸ் சர்க்கரை இரத்தச் சர்க்கரை அளவை வேகமாக அதிகரிக்கக்கூடும், எனவே அவற்றை குறைந்த அளவிலேயே உட்கொள்ள வேண்டும்.
ஒரு நாளைக்கு எவ்வளவு சாப்பிட வேண்டும்?
நீரிழிவு நோயாளிகள் ஒரே நேரத்தில் அதிக மாம்பழங்களைச் சாப்பிடுவதைத் தவிர்க்க வேண்டும். உங்கள் சர்க்கரை அளவு கட்டுப்பாட்டில் இருக்கும் பட்சத்தில், ஒரு நாளைக்கு அரை மாம்பழம் அல்லது ஒரு சிறிய மாம்பழத்தைச் சாப்பிடுவது நல்லது.
மாம்பழங்களைச் சாப்பிடுவதற்குச் சிறந்த நேரம் மதிய வேளையாகும். இந்த நேரத்தில் சாப்பிட்டால் தான் உடல் அவற்றை எளிதில் செரித்து, சர்க்கரையின் தாக்கத்தைக் குறைக்க முடியும்.
மாம்பழம் சாப்பிடும்போது அதிக சர்க்கரை உள்ள உணவுகளைத் தவிர்க்கவும்
மாம்பழங்களை மற்ற அதிக சர்க்கரையுள்ள உணவுகளுடன் சேர்த்துச் சாப்பிடுவதைத் தவிர்ப்பதும் அவசியம். நீங்கள் மாம்பழம் சாப்பிடுவதாக இருந்தால், அன்று உங்கள் கார்போஹைட்ரேட் உட்கொள்ளலைக் கட்டுப்படுத்தி கொள்ள வேண்டும்.
மேலும், மாம்பழச் சாறு அல்லது ஷேக்குகளில் நார்ச்சத்து குறைவாகவும் சர்க்கரை அதிகமாகவும் இருப்பதால், அவற்றை உட்கொள்வதைத் தவிர்க்கவும். முழுப் பழத்தைச் சாப்பிடுவது எப்போதுமே ஒரு சிறந்த தேர்வாகும்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
புலோலி தெற்கு, Melbourne, Australia, Victoria, Australia, Zambia, South Africa, சிம்பாப்பே, Zimbabwe
24 Jul, 2026
வேலணை மேற்கு 8ம் வட்டாரம், Jaffna, யாழ் கொட்டடி சீனிவாசகம் வீதி, Jaffna, Northwood, United Kingdom
24 Jul, 2022
புளியங்கூடல், யாழ்ப்பாணம், சென்னை, India, பிரான்ஸ், France
19 Jul, 2026