லங்காசிறி FM
10 நிமிடத்தில் சுவையான பிரெட் சில்லி - செய்வது எப்படி?
குழந்தைகளுக்கு மிகவும் பிடித்தமான பிரெட் சில்லியை வெறும் 10 நிமிடத்தில் எப்படி வீட்டிலிருந்தபடி சுவையாக செய்யலாம் என்பதை பற்றி பார்ப்போம்,.
தேவையான பொருள்கள்
பிரட் துண்டுகள் - 4 குடைமிளகாய் - பாதி பட்டர் - 25 கிராம் பூண்டு பற்கள் - 2 மிளகாய் தூள் - 1/2 மேஜைக்கரண்டி காஷ்மீரி மிளகாய் தூள் - 1/2 மேஜைக்கரண்டி தக்காளி சாஸ் - 1 மேஜைக்கரண்டி உப்பு - சிறிது கொத்தமல்லித்தழை - சிறிது தாளிக்க தேவையானவை எண்ணெய் - 3 மேஜைக்கரண்டி பெரிய வெங்காயம் - 1
செய்முறை விளக்கம்;
முதலில் வெங்காயத்தை நீள வாக்கிலும், கொத்தமல்லி, குடைமிளகாயை பொடியாகவும் நறுக்கி வைக்கவும். பூண்டுப்பற்களை ஒன்றிரெண்டாக தட்டி வைத்துக்கொள்ளவும்.
அடுப்பில் தோசைக்கல்லை வைத்து சூடானதும் பிரெட்டை வைத்து சுற்றிலும் பட்டர் போட்டு பிறகு மறுபுறம் திருப்பி போட்டு சுற்றிலும் பட்டரை ஊற்றி பிரெட்டை டோஸ்ட் செய்யவும். எல்லா பிரெட்டையும் இதே போல் டோஸ்ட் செய்து சிறிய துண்டுகளாக வெட்டிக்கொள்ளவும்.
அடுப்பில் கடாயை வைத்து எண்ணெய் ஊற்றி சூடானதும் நறுக்கி வைத்துள்ள வெங்காயத்தை போட்டு அதோடு சிறிது உப்பு சேர்த்து வதக்கவும்.
அதோடுவெங்காயம் பொன்னிறமானதும் தட்டி வைத்துள்ள பூண்டுப்பற்கள், குடைமிளகாய் சேர்த்து வதக்கவும். அதனுடன் மிளகாய் தூள், காஷ்மீரி மிளகாய் தூள், தக்காளி சாஸ் சேர்த்து ஒரு நிமிடம் கிளறி அதனுடன் அரை கப் தண்ணீர் சேர்க்கவும்.
அதோடு டோஸ்ட் செய்த பிரெட் துண்டுகளை சேர்த்து நன்றாக கிளறி இறுதியில் கொத்தமல்லித்தழை சேர்த்து அடுப்பை அணைக்கவும். சுவையான பிரெட் சில்லி ரெடி.
சுழிபுரம் மேற்கு, London, United Kingdom
21 Apr, 2024
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
