லங்காசிறி FM
இளம் வயதில் போராட்டம்.. 40க்கு பிறகு ராஜயோகம்: எந்த எண்களில் பிறந்தவர்களுக்கு தெரியுமா?
பொதுவாக, மனிதர்களாகப் பிறந்த அனைவருக்குமே வாழ்க்கையில் அனைத்து விதமான மகிழ்ச்சிகளையும் அனுபவிக்க வேண்டும், வசதியான மற்றும் சொகுசான வாழ்க்கையை வாழ வேண்டும் என்ற ஆசை இருப்பது இயல்பானதே.
ஆனால், ஆசைப்படும் அனைவராலும் செல்வச் செழிப்புடனும், ஆடம்பரமான வசதிகளுடனும் வாழ்க்கையை அனுபவிக்க முடிவதில்லை.
ஒருவரின் வாழ்க்கையில் செல்வம், வசதி, அந்தஸ்து மற்றும் பொருளாதார முன்னேற்றம் ஆகியவை எந்த காலகட்டத்தில் ஏற்படும் என்பதைப் பற்றி ஜோதிடத்தை போன்றே எண்கணித சாஸ்திரத்திலும் பல்வேறு கருத்துக்கள் குறிப்பிடப்படுகின்றது.
அந்த வகையில், குறிப்பிட்ட சில எண்களில் பிறந்தவர்கள் 40 வயதை கடந்த பின்னர் நிதி நிலையில் அசுர வளர்ச்சி காணும் குபேர யோகத்தை பெறுவார்கள் என குறிப்பிடப்படுகின்றது.
அப்படி 40 வயதுக்கு பின் ராஜவாழ்க்கையை அனுபவிக்கும் குபேர யோகத்துடன் பிறந்தவர்கள் பெரும்பாலும் எந்த எண்களில் பிறந்தவர்களாக இருப்பார்கள் என இந்த பதிவில் பார்க்கலாம்.
எண் 1
1, 10, 19, 28 ஆகிய தேதிகளில் பிறந்தவர்களுக்குரிய எண் 1. எண் கணிதப்படி, எண் 1 சூரியனுடன் தொடர்புடையது. சூரியன் தலைமைத்துவம், கௌரவம், நம்பிக்கை, அதிகாரம் ஆகியவற்றைக் குறிக்கிறார்.
எனவே, இந்த எண்ணிற்குரியவர்கள் அரசு, நிர்வாகம் மற்றும் தலைமைப் பொறுப்புகளில் சிறந்து விளங்குவார்கள். சில நேரங்களில் அவர்கள் விரும்பிய வெற்றியை அடைய காலதாமதம் ஏற்படலாம்.
இருப்பினும், 40 வயதிற்குப் பிறகு பெரிய பொறுப்பு அல்லது பதவி கிடைக்கும் வாய்ப்பு உள்ளது. குறிப்பாக அரசியல், நிர்வாகம் போன்ற துறைகளில் 40 வயதிற்குப் பிறகு சிறப்பான உயர்வை அடையலாம்.
எண் 5
5, 14, 23 ஆகிய தேதிகளில் பிறந்தவர்களுக்குரிய எண் 5. எண் கணிதப்படி, எண் 5-ன் அதிபதி புதன். புத்திசாலித்தனம், பேச்சாற்றல், கல்வி மற்றும் வியாபாரத்தை புதன் குறிக்கிறார்.
எனவே, இந்த எண்ணிற்குரியவர்கள் புத்திசாலிகளாகவும், சிறந்த பேச்சாற்றல் கொண்டவர்களாகவும், வணிகம் மற்றும் கல்வியில் திறமை பெற்றவர்களாகவும் இருப்பார்கள்.
சிறிய அளவிலான வணிகத்தை வளர்ப்பதில் திறமை கொண்ட இவர்களுக்கு, அதை பெரிய அளவில் கொண்டு செல்லும் வாய்ப்பும் திறனும் 40 வயதிற்குப் பிறகு கிடைக்கலாம். அந்த வாய்ப்பை சரியாகப் பயன்படுத்தினால் எதிர்பாராத உயரத்தை அடைய முடியும்.
எண் 6
6, 15, 24 ஆகிய தேதிகளில் பிறந்தவர்களுக்குரிய எண் 6. எண் கணிதப்படி, எண் 6-ன் அதிபதி சுக்கிரன். அழகு, ஆடம்பரம், காதல், செல்வம் மற்றும் செழிப்பை சுக்கிரன் குறிக்கிறார்.
இந்த எண்ணிற்குரியவர்கள் நிதி முன்னேற்றம் மற்றும் வசதியான வாழ்க்கை மீது அதிக ஆர்வம் கொண்டிருப்பார்கள். ஊடகம், ஃபேஷன், கலை, அழகு மற்றும் கவர்ச்சி சார்ந்த துறைகளிலும் நல்ல வெற்றியைப் பெற வாய்ப்புள்ளது.
குறிப்பாக, 35 முதல் 40 வயதிற்குப் பிறகு இவர்களின் நிதி நிலையில் குறிப்பிடத்தக்க முன்னேற்றம் ஏற்பட அதிகமான வாய்ப்புகள் காணப்டும்.
இங்கு குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / நம்பிக்கைகள் / ஆன்மீக நூல்கள் ஆகியவற்றில் இருந்து சேகரிக்கப்பட்டவையாகும். எங்கள் நோக்கம் தகவல்களை வழங்குவது மாத்திரமே. (மனிதன் தளம் இதற்கு பொறுப்பேற்காது).
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
