கருகருவென நீளமாக கூந்தல் வளர இந்த கருப்பு உணவு பொருள் போதும்! எப்படி பயன்படுத்த வேண்டும் தெரியுமா?

நம்முடைய அம்மாக்கள், பாட்டிகளுக்கு தலைமுடி எவ்வளவு நீளமாக இருந்துள்ளது என்பதை நாம் கண்கூடாகவும், செவி வழி செய்தியாகவும் கேட்டு பிரமித்து இருந்திருப்போம். அவர்கள் தங்களது தலைக்கு தேய்க்கும் எண்ணெய்களில் பெரும்பாலும், வீட்டிலேயே இருக்கும் இயற்கைப் பொருட்களே நிறைந்திருக்கும்.

இந்த எண்ணெயை கொண்டு, தலைமுடி மட்டுமல்லாது உடலுக்கு ஏற்படும் அனைத்து பிரச்சினைகளில் இருந்தும் அவர்கள் தங்களை காத்துக் கொண்டனர். அவர்கள் பயன்படுத்திய எண்ணெயில், கறுப்பு எள் மற்றும் நெல்லிக்காய் பிரதான பொருளாக இருந்து வந்துள்ளது என்பதை நாம் மறந்துவிடக் கூடாது. ​கறுப்பு எள் பயன்படுத்துவதன் நன்மைகள் கறுப்பு எள், கூந்தலை பராமரிப்பதோடு,முடியில் ஏற்படும் பல்வேறு பிரச்சினைகளுக்கும் தீர்வாக அமைகிறது. முடி நலத்திற்கு இந்த கறுப்பு எள் பேருதவி புரிகிறது.

கறுப்பு எள்ளில் உள்ள ஒமேகா 3 மற்றும் ஒமேகா 6 கொழுப்பு அமிலங்கள், முடி வளர்ச்சியை தூண்ட உதவுகிறது. இதில் உள்ள மாய்ஸ்சுரைசர்கள், தலை முடியில் வறட்சி ஏற்படுவதை தடுக்கிறது. கூந்தலுக்கு தேவையான நீரேற்றத்தை செய்வதனால், முடியில் பிளவு ஏற்படுவதை தடுக்கிறது.

முடிக்கு தகுந்த பளபளப்பையும், வனப்பையும் அளிக்கிறது. கறுப்பு எள் மற்றும் ஆம்லா ஹேர் ஆயிலில் இத்தகைய நற்பலன்கள் இருக்கும்போதும், இவை இரண்டும் சேர்ந்த கலவை, நம் கூந்தலுக்கு இதுபோன்ற எத்தகைய நற்பலன்களை வழங்கும் என்பதை நாம் நினைத்துப் பார்க்க வேண்டும்.

முடி வளர்ச்சிக்கு உதவும், கறுப்பு எள் கலந்த ஆம்லா ஹேர் ஆயிலை நாம் வீட்டிலேயே தயாரிக்க முடியும் என்பது இதன் தனிச்சிறப்பு. ​கறுப்பு எள் ஆம்லா ஹேர் ஆயில் செய்முறை தேவையான பொருட்கள் ஒரு கோப்பை ஆலிவ் எண்ணெய் அல்லது தேங்காய் எண்ணெய் 3 ஆம்லா (நெல்லிக்காய்) 2 தேக்கரண்டி கறுப்பு எள் விதைகள் செய்முறை ஆலிவ் அல்லது தேங்காய் எண்ணெயில் தேவையான அளவு கறுப்பு எள்ளை சேர்த்து, அதை நாள் முழுவதும் ஊற வைக்கவும். கறுப்பு எள்ளில் உள்ள சத்துக்கள் அனைத்தும் தற்போது அந்த எண்ணெயில் இருக்கும்.

ஆம்லாவை ( நெல்லிக்காயை) நன்றாக கலப்பான் வைத்து தட்டி வைத்துக் கொள்ளவும்.தட்டி வைக்கப்பட்ட ஆம்லா உடன், கறுப்பு எள் கலந்த எண்ணெயை சேர்க்கவும். இந்த கலவையை, குறைந்த வெப்பநிலையில், 2 நிமிடங்கள் சூடுபடுத்தவும். இவை இரண்டும் ஒன்றோடு ஒன்றாக கலப்பதை கண்கூடாக காணலாம். இதை ஆற வைக்கவும்.

பின் இதை நன்றாக கலக்கவும். பின் மீண்டும் இந்த கலவையை குறைந்த வெப்பநிலையில், 2 மணிநேரத்திற்கு சூடுபடுத்தவும். பின் இதை குளிர்விக்கவும். வடிகட்டியை கொண்டு இந்த கலவையை வடிகட்டவும். கறுப்பு எள் கலந்த ஆம்லா ஹேர் ஆயில் தயார். ​எப்படி பயன்படுத்த வேண்டும்? கறுப்பு எள் கலந்த இந்த ஆம்லா ஹேர் ஆயிலை, வாரத்திற்கு ஒருமுறை தலையில் தடவி வந்தாலே, அளப்பரிய பலன்களை கண்கூடாக காணலாம்.

ஆலிவ் அல்லது தேங்காய் எண்ணெய் உங்களுக்கு சேராத பட்சத்தில், அழகுப்பொருட்களில் பயன்படுத்தப்படும் ஜோஜேபா எண்ணெயை இதில் பயன்படுத்தலாம். கறுப்பு எள் கலந்த இந்த ஆம்லா ஹேர் ஆயில்,முடி வளர்ச்சிக்கு ஏற்றதாக இருப்பதோடு மட்டுமல்லாது, முடிகளில் ஏற்படும் அனைத்து விதமான பிரச்சினைகளுக்கும் தீர்வு காண்பதோடு, கூந்தல் வலுவுடன் இருக்கவும் உதவுகிறது.