மயில் இறகு தரும் அதிர்ஷ்டம்! வீட்டில் எந்த இடத்தில் வைப்பது சிறப்பு தெரியுமா?

பொதுவாக சில வீடுகளில் அழகுக்கா மயில் இறகு வைத்திருப்பார்கள் .ஆனார் வாஸ்து சாஸ்திரத்தின்படி, மயில் இறகு மங்களகரமானதாகவும், நேர்மறை ஆற்றலை ஈர்க்கக்கூடியதாகவும் கருதப்படுகிறது.

இது வீட்டில் உள்ள எதிர்மறை ஆற்றலை நீக்கி, அமைதியையும் செல்வச் செழிப்பையும் பெருக்குவதற்கு பெரி்தும் துணைப்புரியும் என தொன்று தொட்டு நம்பப்படுகிறது.

இருப்பினும், மயில் இறகை வீட்டில் கண்ட இடத்தில் வைக்காமல், வாஸ்து விதிகளின்படி குறிப்பிட்ட இடங்களில் வைப்பது அவசியம். அப்போதுதான் அதன் நன்மைகளைப் பெற முடியும் என்பது நம்பிக்கை.

இந்து சமய நம்பிக்கைகளின் அடிப்படையில், மயில் முருகப்பெருமானின் வாகனமாகவும், கிருஷ்ணரின் அலங்காரமாகவும் விளங்குகிறது.

இத்தகைய சிறப்புமிக்க மயில் இறகை வீட்டில் சரியான இடங்களில் வைப்பதன் மூலம் நேர்மறை ஆற்றல், செல்வம், நல்லிணக்கம் மற்றும் பாதுகாப்பு கிடைக்கும் என்று நம்பப்படுகிறது.

எனவே, வாஸ்து சாஸ்திரத்தின்படி வீட்டில் மயில் இறகை எந்தெந்த இடங்களில் வைப்பது செல்வ செழிப்பையும், நேர்மறை ஆற்றலையும் அதிகரிக்கும் என இந்த பதிவில் பார்க்கலாம்.

சிறந்த 5 இடங்கள் 

1. பிரதான நுழைவாயில் வாஸ்து

நம்பிக்கையின்படி, வீட்டின் பிரதான கதவுக்கு மேலே வடக்கு, கிழக்கு அல்லது வடகிழக்கு திசையை நோக்கி மயில் இறகை வைப்பது எதிர்மறை ஆற்றலைத் தடுத்து, குடும்பத்தில் நல்லிணக்கத்தை அதிகரிக்கும் எனவும் மன அமைதியை கொடுக்கும் எனவும் நம்ப்படுகின்றது.

2. பணம் வைக்கும் இடம்

பணப்பெட்டியில் அல்லது பணம் வைக்கும் இடத்தில் மயில் இறகை வைப்பது பண வரவை அதிகரித்து, நிதி இழப்புகளைக் குறைத்து, சேமிப்பை மேம்படுத்தும் என்பது வாஸ்து சாஸ்திரத்தில் பின்பற்றப்படும் ஐதீகம்.

3. படிக்கும் மேஜை அல்லது குழந்தைகளின் அறை

குழந்தைகள் படிக்கும் மேஜையில் அல்லது படுக்கையறையில் கிழக்கு அல்லது வடகிழக்கு திசையில் மயில் இறகை வைப்பது, மனதை அமைதிப்படுத்தி, படிப்பில் கவனம் செலுத்தவும், படித்தவற்றை நினைவில் வைத்துக்கொள்ளவும் உதவும் என நம்பப்படுகிறது.

4. வீட்டின் ஹால்

ஹாலின் கிழக்கு அல்லது வடகிழக்கு சுவரில் மயில் இறகை வைப்பது குடும்ப உறுப்பினர்களிடையே நல்ல உரையாடலை ஊக்குவிக்கும் என்பது வாஸ்து நம்பிக்கை. குறிப்பாக, கிழக்கு சுவரில் ஏழு மயில் இறகுகளை வைப்பது சிறந்ததாக பார்க்கப்படுகின்றது. இது செல்வ செழிப்பையும் ஈர்க்கும். 

சனி நட்சத்திரப் பெயர்ச்சி: 5 ராசிகளுக்கு பணவரவும் தொழில் முன்னேற்றமும் உறுதி!

5. படுக்கையறை

தம்பதிகளிடையே அன்பையும் மகிழ்ச்சியையும் அதிகரிக்க, படுக்கையறையின் தென்மேற்கு மூலையில் இரண்டு மயில் இறகுகளைச் சிவப்பு நூலால் இணைத்துக் கட்டி வைக்க வேண்டும் என வாஸ்து சாஸ்திரம் குறிப்பிடுகின்றது. ஒற்றை மயில் இறகைப் படுக்கையறையில் வைக்கக் கூடாது எனபதும் குறிப்பிடத்தக்கது.

இங்கு குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / நம்பிக்கைகள் / ஆன்மீக நூல்கள் ஆகியவற்றில் இருந்து சேகரிக்கப்பட்டவையாகும். எங்கள் நோக்கம் தகவல்களை வழங்குவது மாத்திரமே. (மனிதன் தளம் இதற்கு பொறுப்பேற்காது).