லங்காசிறி FM
ரஜினியின் 47 ஆண்டுகால சினிமா பயணம்! உருக்கத்துடன் மகள்கள் வெளியிட்ட பதிவு;
தமிழ் சினிமாவின் நடிகரான சூப்பர் ஸ்டார் ரஜினிகாந்த் நடிப்பதற்கு முன் சாதாரண பஸ் கண்டக்டராக பணியாற்றி வந்த ரஜினி, சினிமாவின் மீது மிகுந்த ஆர்வம் கொண்டிருந்தார். இவரின் நடிப்புத் திறமையை முதலில் அங்கீகரித்தது இயக்குனர் பாலசந்தர் தான்.
47 ஆண்டுகால பயணம்
கடந்த 1975-ம் ஆண்டு வெளிவந்த அபூர்வ ராகங்கள் மூலம் சினிமாவில் காலடி எடுத்து வைத்தார் ரஜினி. ஆரம்ப காலகட்டத்தில் பல படங்களில் வில்லனாகவும் குணச்சித்திர வேடங்களில் நடித்து வந்த ரஜினி, தமிழில் முதன்முதலில் ஹீரோவாக நடித்த படம் பைரவி.
தொடர்ந்து, முள்ளும் மலரும், அவள் அப்படித்தான் போன்ற படங்களில் நடித்து தனது ஸ்டைலான நடிப்பால் ரசிகர்களை கவர்ந்த ரஜினி, அடுத்தடுத்து சூப்பர்ஹிட் படங்களை கொடுத்து தமிழ் சினிமாவின் சூப்பர் ஸ்டாராக உயர்ந்தார்.
உருக்கமான பதிவு
இந்நிலையில், தற்போது சினிமாவில் வாழ்க்கையில் 47 ஆண்டுகளை நிறைவு செய்துள்ளார். இதுகுறித்து, ரசிகர்கள் பலரும் வாழ்த்துக்களை கூற, மகள் ஐஸ்வர்யாவும், செளந்தர்யாவும், தனது தந்தை குறித்து டுவிட்டரில் உருக்கமாக பதிவிட்டுள்ளனர்.
அதில், 47 வருடங்கள் என்பது மேஜிக் போல் உள்ளது. நீங்கள் கடவுளின் குழந்தை அப்பா. நீங்கள் ஒரு உணர்வு, அதை வார்த்தைகளால் வர்ணிக்க முடியாது. லவ் யூ தலைவா என குறிப்பிட்டு ரஜினியின் லேட்டஸ்ட் புகைப்படத்தை பதிவிட்டுள்ளார்.
ஐஸ்வர்யா உருக்கம்
மேலும், மூத்த மகள் ஐஸ்வர்யா போட்டுள்ள பதிவில், 47 ஆண்டுகள் ரஜினியிஸம்... கடின உழைப்பு மற்றும் அர்ப்பணிப்பு! மகளாக பிறந்ததில் பெருமை கொள்கிறேன் என குறிப்பிட்டு ரஜினியுடன் எடுத்துக்கொண்ட புகைப்படத்தையும் பதிவிட்டுள்ளார் ஐஸ்வர்யா. இந்த புகைப்படங்கள் வைரலாகி வருகின்றன.
