லங்காசிறி FM
உதயநிதி கைது விவகாரம்.., நிவேதா பெத்துராஜின் வைரலாகும் பதிவு
நடிகை நிவேதா பெத்துராஜ், தனது எக்ஸ் பக்கத்தில் பகிர்ந்த பதிவு தற்போது சமூக வலைதளங்களில் பேசுபொருளாகியுள்ளது.
நிவேதா பெத்துராஜ் பதிவு
"புறங்கூறிப் பொய்த்துயிர் வாழ்தலின் சாதல்
அறங்கூறும் ஆக்கம் தரும்."
பிறரைப் பற்றி இல்லாதபோது புறங்கூறி, பொய்யாக வாழ்வதை விட, அப்படி செய்யாமல் வறுமையில் வாழ்ந்தாலும் அது உயர்ந்த அறமாகும் என்பதே இந்த திருக்குறளின் பொருள்.
உதயநிதி கைது செய்யப்பட்ட நாளிலேயே நிவேதா பெத்துராஜ் இந்த திருக்குறளை பதிவிட்டதால், இது அவருக்கு ஆதரவாக வெளியிடப்பட்ட பதிவா என்ற கேள்வியை நெட்டிசன்கள் எழுப்பி வருகின்றனர்.
புறங்கூறிப் பொய்த்துயிர் வாழ்தலின் சாதல்
— Nivetha Pethuraj (@Nivetha_Tweets) August 4, 2026
அறங்கூறும் ஆக்கம் தரும்.
- திருக்குறள் 183
இந்நிலையில், உதயநிதி ஸ்டாலினும், நிவேதா பெத்துராஜும் "என் மனசு தங்கம்" படத்தில் இணைந்து நடித்த பிறகு இருவரைப் பற்றியும் பல கிசுகிசுக்கள் வெளியானாலும், அதுகுறித்து இருவரும் எந்த விளக்கமும் அளித்ததில்லை.
இதனால், இந்த பதிவு உதயநிதியை குறிப்பிட்டதா? என்ற விவாதம் சமூக வலைதளங்களில் தொடர்ந்து நடைபெற்று வருகிறது.
உதயநிதி கைது விவகாரம்
எதிர்க்கட்சி தலைவர் உதயநிதி ஸ்டாலின், தஞ்சையில் நடைபெற்ற ஆர்ப்பாட்டத்தில் பிரபல நடிகை குறித்து அவதூறாக பேசியதாக குற்றச்சாட்டு எழுந்தது.
இதையடுத்து அவர் மீது வழக்குப்பதிவு செய்யப்பட்டு, இன்று காலை அவரது நீலாங்கரை இல்லத்தில் போலீசார் குவிக்கப்பட்டனர்.
பின்னர் உதயநிதி ஸ்டாலின் கைது செய்யப்பட்டார். இதனை கண்டித்து தமிழகம் முழுவதும் திமுகவினர் ஆர்ப்பாட்டம் நடத்தி வருகின்றனர்.
அப்போது, "நான் பேசாத விஷயத்துக்காக பொய் வழக்கு பதிவு செய்து கைது செய்துள்ளனர். இது அரசின் திசைதிருப்பும் முயற்சி" என்று அவர் தெரிவித்தார்.
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
