லங்காசிறி FM
2 வருஷம் ஆயிடுச்சு.. நடிகை ஹன்சிகா பதிவால் வாழ்த்துக்களை குவிக்கும் ரசிகர்கள்
நடிகை ஹன்சிகா மோத்வானி அவருடைய காதல் கணவருடன் சேர்ந்து எடுத்து கொண்ட புகைப்படங்களுக்கு ரசிகர்கள் வாழ்த்துக்களை பதிவிட்டு வருகிறார்கள்.
நடிகை ஹன்சிகா மோத்வானி
நடிகை ஹன்சிகா மோத்வானி கடந்த 2011 ஆம் ஆண்டு ஜெயம் ரவி நடிப்பில் வெளியான “எங்கேயும் காதல்” என்ற திரைப்படத்தின் மூலம் கதாநாயகியாக அறிமுகமானார்.
இதனை தொடர்ந்து தமிழ் மட்டுமல்லாமல் மலையாளம், தெலுங்கு, கன்னடம் உள்ளிட்ட மொழிப்படங்களிலும் நடித்து வந்தார். தமிழில் நடித்த முதல் படமே ரசிகர்கள் மத்தியில் பலத்த வரவேற்பை பெற்றது.
கோலிவுட்டிற்கு நுழைந்த போது ஹன்சிகாவை அடுத்த குஷ்பு என்று பலரும் அழைத்து வந்தனர். எங்கேயும் காதல் பல பாடல்கள் இப்ப வரைக்கும் ஹிட்டவே இருக்கிறது. அதிலும் “நங்கை நிலவின் தங்கை..”என்ற பாடல் இவருக்காகவே எழுதியது போல இருந்தது.
இதன் பின்னர், தனுஷ் உடன் மாப்பிள்ளை, விஜயுடன் வேலாயுதம், சூர்யாவுடன் சிங்கம் 2 என்று பல வெற்றி படங்களில் நடித்திருந்தார். அத்துடன் நிறுத்தாமல் பிரியாணி, மான் கராத்தே, வாலு, அரண்மனை 2 என்று அடுத்தடுத்து ஹிட் படங்களில் நடித்து டாப் நடிகையாக வலம் வந்தார்.
அந்த சமயத்தில் திடீரென்று உடல் எடை குறைத்து ஆள் அடையாளமே தெரியாத அளவிற்கு மாறினார். இதன் விளைவாக தமிழ் சினிமாவில் வாய்ப்பு வருவது குறைந்தது.
குட் நியூஸ் பதிவு
இந்த நிலையில், கடந்த 2022 ஆம் ஆண்டு சோஹா கட்டாரியா என்ற தன்னுடைய நண்பரையே திருமணம் செய்து கொண்டார். இந்த திருமணத்தில் பல பிரபலங்கள் கலந்து கொண்டனர். திருமணத்திற்கு பிறகும் ஹன்சிகா தொடர்ந்து நடித்துக் கொண்டிருக்கிறார்.
சினிமாவில் மட்டுமல்லாமல் சின்னத்திரை நிகழ்ச்சிகளிலும் கெஸ்ட் ஆக கலந்து கொண்டு வருகிறார். சினிமா, சின்னத்திரை என ஆக்டிவாக இருக்கும் ஹன்சிகா அவ்வப்போது சமூக வலைத்தளங்களில் புகைப்படங்கள் பகிர்வார்.
அந்த வகையில், தன்னுடைய இரண்டாவது திருமண நாளை கொண்டாடும் ஹன்சிகா, கணவருடன் நெருக்கமாக எடுத்து கொண்ட புகைப்படங்களை “இரண்டாவது திருமண நாள் வாழ்த்துக்கள் பேபி.. உன்னை நான் ரொம்பவும் நேசிக்கிறேன்” என்று கணவரை டேக் செய்து பகிர்ந்துள்ளார்.
புகைப்படங்களை பார்த்த ரசிகர்கள் இருவருக்கும் திருமண நாள் வாழ்த்துக்களை தொடர்ந்து பதிவு செய்து வருகின்றனர்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
