18 வயது வித்தியாசத்தில் நடந்த திருமணம்.. விரைவில் எனக்கு புள்ள பொறக்கும்- பாலா கொடுத்த அப்டேட்

இயக்குநர் சிறுத்தை சிவாவின் சகோதரரான நடிகர் பாலா கடந்த வாரம் மூன்றாவது திருமணம் செய்து கொண்டு கொடுத்த அப்டேட் சமூக வலைத்தளங்களில் பரவலாக பேசப்பட்டு வருகின்றது.

நடிகர் பாலா

தமிழ் சினிமாவில் கடந்த 2003ம் ஆண்டு வெளியான அன்பு திரைப்படத்தின் மூலம் அறிமுகமானவர் தான் நடிகர் பாலா.

இந்த பட வெற்றியை தொடர்ந்து பல படங்களில் கதாநாயகராக நடித்துள்ளார். அவருடைய அண்ணன் சிவா இயக்கத்தில் உருவான வீரம், அண்ணாத்த போன்ற படங்களிலும் குணச்சித்திர வேடத்தில் நடித்திருப்பார்.

இதனை தொடர்ந்து மலையாள திரையுலகில் நடித்து வந்த பாலா கடந்த 2010ம் ஆண்டு பிரபல பாடகி அம்ருதா சுரேஷ் என்பவரைக் காதலித்து திருமணம் செய்து கொண்டார்.

2 விவாகரத்து

பின்பு 2019ம் ஆண்டு அவரை விவாகரத்து செய்துள்ள நிலையில், தற்போது 12 வயதாகும் அவந்திகா என்ற மகளும் உள்ளார்.

பாலாவுடைய முதல் மனைவியைப் பிரிந்த நிலையில், இரண்டாவதாக 2021ம் ஆண்டு எலிசபெத் என்ற மருத்துவரை திருமணம் செய்து, அவரையும் பிரிந்தார். ஆனால் இருவரும் தொடர்ந்து நண்பர்களாக இருப்போம் எனக் கூறியிருக்கிறார்.

நடிகர் பாலா தன்னுடைய மனைவியிடம் இருந்து விவாகரத்து பெற்று பிரிந்தாலும், அவ்வபோது மகள் மீதான பாசத்தை வெளிப்படுத்தி வந்தார்.

எங்களுக்கும் குழந்தை பிறக்கும்..

இந்த நிலையில், மூன்றாம் திருமணம் செய்து கொண்ட பேட்டியில் ஒரு சில விடயங்கள் குறித்து பகிர்ந்து கொண்டுள்ளார்.

அதாவது, “ நான் பல முறை திருமணம் செய்து கொள்வது குறித்து பலர் பொறாமைப்படுகிறார்கள். என்னுடைய கோடிக்கணக்கான சொத்துக்களை என்னுடைய 24 வயது மனைவி தான் நிர்வகிக்கிறார். அவருக்குத்தான் என் சொத்து. நான் ராஜா போல வாழ்வேன்,என் மனைவி ராணி போல வாழ்வார்.

நாங்கள் இருவரும் விரைவில் குழந்தை பெற்றுக் கொள்ள ஆசைப்படுகிறோம். இதைப் பார்த்து யாராவது பொறாமைப்பட்டால், அது அவர்களின் தவறு..” என அத்தனை சர்ச்சைகளுக்கு முற்றுப்புள்ளி வைத்திருக்கிறார்.

இந்த செய்தி சமூக வலைத்தளங்களில் பரவலாக பேசப்பட்டு வருகின்றது.