லங்காசிறி FM
வீட்ல ஏசி இருக்கா? கரண்ட் பில் என்ன வரும்னு தெரியுமா? எத்தனை யூனிட்
கோடை வெயிலின் தாக்கம் நாளுக்கு நாள் அதிகரித்து வரும் நிலையில், நாட்டின் பல பகுதிகளில் வெப்பநிலை 40 டிகிரி செல்சியஸைத் தாண்டியுள்ளது. இதனால் வீடுகள் மற்றும் அலுவலகங்களில் ஏர் கண்டிஷனர்கள் (AC) பயன்பாடு கணிசமாக அதிகரித்துள்ளது.
ஆனால், ஏசியை நீண்ட நேரம் பயன்படுத்துவதால் மாதாந்திர மின் கட்டணம் அதிகரிக்கும் என்ற கவலை பலரிடமும் உள்ளது. தற்போது பெரும்பாலான வீடுகளில் 1.5 டன் திறன் கொண்ட ஏசிகளே அதிகமாக பயன்படுத்தப்படுகின்றன.
இந்த வகை ஏசி ஒரு மணி நேரத்தில் எவ்வளவு மின்சாரம் பயன்படுத்துகிறது, ஒரு மாதத்தில் எவ்வளவு மின் நுகர்வு ஏற்படலாம் என்பதை அறிந்துகொள்வது மின் கட்டணத்தை திட்டமிட உதவும். இது குறித்த விரிவான விளக்கத்தை இந்த பதிவில் பார்க்கலாம்.
ஏசியின் மின் நுகர்வு - குறைக்கும் வழிகள்
ஏசியின் மின் நுகர்வு பல காரணிகளைப் பொறுத்து மாறுபடும். குறிப்பாக, அது இன்வெர்ட்டர் தொழில்நுட்பம் கொண்டதா அல்லது சாதாரண (Non-Inverter) மாடலா, அதன் ஸ்டார் ரேட்டிங், அறையின் வெப்பநிலை, அறையின் அளவு, வெளிப்புற வெப்பநிலை மற்றும் ஏசி இயக்கப்படும் நேரம் போன்றவை முக்கிய பங்கு வகிக்கின்றன.
பொதுவாக, 3-ஸ்டார் மதிப்பீடு கொண்ட 1.5 டன் ஏசி ஒரு மணி நேரத்திற்கு சுமார் 1.15 முதல் 1.7 யூனிட் வரை மின்சாரத்தை பயன்படுத்தும். சராசரியாக ஒரு மணி நேரத்திற்கு 1.5 யூனிட் மின்சாரம் பயன்படுத்துவதாகக் கணக்கிடப்படுகிறது.
ஒருவர் தினமும் 8 மணி நேரம் ஏசியை இயக்கினால், ஒரு நாளுக்கு சுமார் 12 யூனிட் மின்சாரம் செலவாகும். அதன்படி, 30 நாட்களில் சுமார் 360 யூனிட் மின்சாரம் பயன்படுத்தப்படும்.
அதே நேரத்தில், 5-ஸ்டார் மற்றும் இன்வெர்ட்டர் தொழில்நுட்பம் கொண்ட ஏசிகள் குறைந்த மின்சாரத்தில் இயங்குவதால், நீண்ட காலத்தில் மின் கட்டணத்தை கணிசமாகக் குறைக்க முடியும்.
மேலும், ஏசியை 24–26 டிகிரி செல்சியஸ் வெப்பநிலையில் இயக்குவதும், அறையை நன்கு மூடி வைத்திருப்பதும் மின்சார சேமிப்பிற்கு உதவக்கூடிய முக்கிய வழிமுறைகளாகும்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
