சூடான உணவுகளை ஃபிரிட்ஜில் வைப்பது சரியா? பிரச்சனையை கட்டாயம் தெரிஞ்சிக்கோங்க

சூடான உணவை குளிர்சாதனப்பெட்டியில் வைப்பதால் ஏற்படும் பிரச்சனைகள் என்னென்ன என்பதை தெரிந்து கொள்வோம்.

இன்றைய காலத்தில் குளிர்சாதனப்பெட்டியில் உணவுகளை வைத்து சாப்பிடுவதை நம்மில் பெரும்பாலான நபர்கள் செய்து வருகின்றனர்.

மேலும் மீதமான உணவுகளை ப்ரிஜில் சேகரித்து வைத்து வருகின்றோம். குளிர்சாதனப்பெட்டியில் வைக்கும் உணவுகள் அதிகமாக கெட்டுப்போகாமல் இருக்கின்றது.

கத்திரிக்காய் மிளகு குழம்பு இப்படி செய்து பாருங்க... சளி, இருமல் எல்லாம் சரியாகிடும்

ஆனால் ஒருசிலர் சமைத்து சூடாக இருக்கும் உணவுகளை அப்படியே ப்ரிட்ஜில் வைத்து விடுகின்றனர். இவ்வாறு வைப்பதால் உணவு விஷமாவதுடன், குளிர்சாதனப் பெட்டியின் கம்ப்ரஸரில் பாதகமான விளைவை ஏற்படுத்துகின்றது.

சமைத்த உணவினை இரண்டு மணி நேரத்திற்கு மேல் அறை வெப்பநிலையில் வைத்திருக்கக்சூகூடாது. அதுவே 32 டிகிரி செல்சியஸிற்கு மேல் இருந்தால் உணவை ஒரு மணி நேரத்திற்குள் குளிர்சாதனப்பெட்டியில் வைக்கவும். நீண்ட நேரம் வெளியே வைத்திருந்தால் பாக்டீரியாக்களின் வளர்வது அதிகமாகும்.

பாதிப்புகள் என்ன?

அடுப்பிலிருந்து உணவை இறக்கியதும், உடனே குளிர்சாதனப்பெட்டியில் வைப்பது தவறாகும். இவ்வாறு வைப்பதால் குளிர்சாதனப்பெட்டியில் இருக்கும் மற்ற உணவுகளும் கெட்டுவிடுமாம். மேலும் இவை குளிர்சாதனப்பெட்டி கம்ப்ரஸருக்கு அதிக அழுத்தம் கொடுத்து செயல்திறனைக் குறைக்குமாம்.

ஆகவே சூடாக இருக்கும் தருணத்தில் ப்ரிட்ஜில் வைக்காமல் அறை வெப்பநிலைக்கு வந்த பின்பே வைக்கவும். அதே போன்று பெரிய கொள்கலன்களில் நிரப்பாமல், உணவுக்கு ஏற்ப கொள்கலன்களில் நிரப்பவும்.

புரட்டாசி மாதத்தில் அசைவம் சாப்பிடாமல் இருக்கீங்களா? மட்டன் சுவையில் மீல் மேக்கர் பிரியாணி

குளிர்சாதனப்பெட்டியில் வைக்கும் உணவுகளை கட்டாயம் மூடி வைக்கவும். மூடிவைக்காமல் திறந்து வைப்பது பூஞ்சை வாசனை ஏற்படுவதுடன், உணவு சீக்கிரமாக கெட்டுப்போய்விடும். ஆதலால் காற்று புகாத கொள்கலன்களில் உணவை சேமிக்கவும்.

குளிர் சாதனப் பெட்டியில் அளவு அதிகமாக உணவுகளை வைத்து நிரப்புவது தவறாகும். குளிர்ந்த காற்று தடையில்லாமல் சுழல்வதற்கு சிறிது இடம் இருப்பது நல்லதாகும். இதனால் உணவு கெட்டுப்போவதையும் தவிர்க்கலாம்.

அதே போன்று குளிர்சாதனப்பெட்டியில் வைக்கும் உணவுகளை 4 நாட்களுக்குள் பயன்படுத்தவும். அதிக நாட்கள் சேமிக்க விரும்பினால் ப்ரீசரில் சேமிப்பது சிறந்ததாகும்.