லங்காசிறி FM
என் தங்கமே! விக்னேஷ் சிவன் பகிர்ந்த பிறந்தநாள் வீடியோ
காதல் மனைவி நயன்தாராவுடன் பிறந்தநாள் கொண்டாடிய வீடியோவை வெளியிட்டுள்ளார் விக்னேஷ் சிவன்.
இயக்குனர் விக்னேஷ் சிவனும் நயன்தாராவும் ஏழு வருடங்களுக்கு மேலாக காதலித்து கடந்த ஜூன் மாதம் 9ம் திகதி மகாபலிபுரத்தில் திரையுலகை சேர்ந்த நண்பர்கள், குடும்பத்தினர் முன்னிலையில் திருமணம் செய்து கொண்டனர்.
தாய்லாந்தில் தேனிலவு
திருமணம் முடிந்த கையோடு தாய்லாந்து சென்ற தம்பதியினரின் தேனிலவு புகைப்படங்கள் வைரலாகின.
தொடர்ந்து இந்தியா திரும்பியதும் நயன்தாரா, ஷாருக்கானின் 'ஜவான்' படத்தின் அடுத்தக்கட்ட படப்பிடிப்பிலும், விக்னேஷ் சிவன் செஸ் ஒலிம்பியாட் போட்டிக்காக விளம்பர பணிகளில் ஈடுபட்டனர்.
வேலைகள் முடிந்த பின்னர், ஸ்பெயின் நாட்டுக்கு சென்ற தம்பதியினர் அழகாக பொழுதை கழித்தனர்.
பார்சிலோனா நகரில் இருவரும் ஜாலியாக சுற்றித்திரியும் புகைப்படங்கள் வைரலாகின.
விக்னேஷ் சிவன் பிறந்தநாள் கொண்டாட்டம்
இந்நிலையில் இயக்குனர் விக்னேஷ் சிவன், தனது பிறந்தநாளை முன்னிட்டு இன்ஸ்டாகிராம் பக்கத்தில் ஒரு பதிவை பதிவிட்டுள்ளார்.
அதில் "ஒரு அன்பான குடும்பத்தின் தூய்மையான அன்பினால் நிரப்பப்பட்ட பிறந்தநாள். புர்ஜ் கலீஃபாவிற்கு கீழே கனவான பிறந்தநாள்..எனது தங்கம் எனது மனைவி கொடுத்த அற்புதமான ஆச்சரியமான பரிசு! இதை விட சிறப்பாகவும் சிறப்பாகவும் பெற முடியாது :) இந்த ஆசீர்வதிக்கப்பட்ட வாழ்க்கையில் அவர் எனக்குக் கொடுத்த அனைத்து அழகான தருணங்களுக்காக எப்போதும் கடவுளுக்கு நன்றி!" என விக்னேஷ் சிவன் பதிவிட்டுள்ளார்.
குடும்பத்துடன் அழகான வீடியோ
தற்போது குடும்பத்தினர் மற்றும் நயன்தாராவுடன் பிறந்தநாள் கொண்டாடிய வீடியோ ஒன்றை தற்போது இயக்குநர் விக்னேஷ் சிவன் தன்னுடைய இன்ஸ்டாகிராம் பக்கத்தில் பகிர்ந்துள்ளார்.
மேலும் அந்தப் பதிவில், “உன்னுடன் நான் கொண்டாடும் 8வது பிறந்தநாள் இது தங்கமே. என்னுடைய ஒவ்வொரு பிறந்தநாளையும் நீ மிகவும் அழகாக மாற்றி வருகிறார். எனக்கு எது கொடுத்தால் மகிழ்ச்சியாக இருக்கும் என்பது உனக்கு தெரியும்.
இந்த பிறந்தநாள் மிகவும் உணர்ச்சிப்பூர்வமான நாளாக அமைந்தது. என்னுடைய காதலியாக இருப்பதற்கு நன்றி. இன்னும் பல ஆண்டுகள் நம்முடைய காதல் தொடர வேண்டும் என்று நினைக்கிறேன்” எனப் பதிவிட்டுள்ளார்.
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
