லங்காசிறி FM
குழந்தையுடன் வந்த அமலாபால்.. கணவர் கொடுத்த Surprise- என்ன குழந்தை தெரியுமா?
குழந்தையுடன் வந்த அமலாபாலின் காணொளி ரசிகர்களின் கவனத்தை ஈர்த்துள்ளது.
அமலாபால்
தமிழ் சினிமாவில் முன்னணி நடிகைகளில் ஒருவராக வலம் வருபவர் அமலாபால்.
இவர் நடிப்பில் வெளியான வீரசேகரன், சிந்து சமவெளி ஆகிய படங்கள் சரியான ஒரு இடத்தை உருவாக்கி தராவிட்டாலும் அதன் பிறகு வெளியான “மைனா” திரைப்படம் மிகப் பெரிய வெற்றி படமாக அமைந்தது.
இதனை தொடர்ந்து தெய்வத்திருமகள், வேட்டை, காதலில் சொதப்புவது எப்படி, தலைவா, வேலையில்லா பட்டதாரி, நிமிர்ந்து நில், பசங்க 2, அம்மா கணக்கு, திருட்டுப்பயலே 2, ராட்சசன், ஆடை உள்ளிட்ட படங்களில் நடித்துள்ளார்.
திருமணம்
இந்த நிலையில் அமலாபால் 2014-ஆம் ஆண்டு இயக்குநர் ஏ.எல்.விஜய்யை திருமணம் செய்து கொண்டார்.
விஜய்யுடன் ஏற்பட்ட கருத்து வேறுபாடு காரணமாக கடந்த 2017-ஆம் ஆண்டு சட்டப்பூர்வமாக விவாகரத்து பெற்றுக் கொண்டார்.
விவாகரத்தை தொடர்ந்து சமூக வலைத்தளங்களில் ஆக்டிவாக இருக்கும் அமலாபால் பல சர்ச்சைகளுக்கு முகம் கொடுத்து சினிமாவிலிருந்து முற்றாக விலகி இருந்தார்.
என்ன குழந்தை?
இதனை தொடர்ந்து திடீரென கடந்த வருடம் காதலரை அறிமுகம் செய்து இரண்டாவது திருமணம் செய்து கொண்டார்.
தற்போது ஆண் குழந்தையை பெற்றெடுத்துள்ளார். அந்த குழந்தைக்கு இலாய்(ILAI) என பெயர் வைத்துள்ளார்.
அத்துடன் குழந்தையுடன் அமலாபால் வீட்டிற்கு வரும் காணொளியை கணவர் அவருடைய இன்ஸ்டாகிராம் பக்கத்தில் பகிர்ந்துள்ளார்.
காணொளியை பார்த்த இணையவாசிகள் அமலாபாலின் மகனை வரவேற்றுள்ளனர்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
