இன்றைய தங்கம் விலை! இறங்கிய வேகத்தில் கிடுகிடுவென ஏறியதால் அதிர்ச்சி
தங்கம் விலை தொடர்ந்து 2வது நாளாக அதிகரித்து வருகிறது. நகை வாங்க நினைப்போருக்கு ஷாக் அளிக்கும் வகையில் இரு நாட்களில் சவரனுக்கு ரூ.ஆயிரத்துக்கு மேல் அதிகரித்துள்ளது.
தங்கத்தின் இன்றைய விலை
சென்னையில் 22 காரட் ஆபரணத் தங்கத்தின் விலை நேற்று மாலை நிலவரப்படி கிராம் ரூ.4,775 ஆகவும், சவரன், ரூ.38,200 ஆகவும் இருந்தது.
இந்நிலையில் புதன்கிழமையான இன்று காலை நிலவரப்படி தங்கம் கிராமுக்கு ரூ. 60ரூபாய் அதிகரித்து, ரூ.4,835ஆக உயர்ந்துள்ளது. சவரனுக்கு ரூ.480 அதிகரித்து, ரூ.38,680ஆக ஏற்றம் கண்டுள்ளது.
தங்கம் விலை கடந்த 3 நாட்களில் மட்டும் சவரனுக்கு ரூ.1,160 அதிகரித்துள்ளது. கடந்த சில வாரங்களாக தங்கம் விலை குறைந்து வந்தது நகைப்பிரியர்களுக்கும், நடுத்தரக் குடும்பத்தினருக்கும் ஓரளவு மகிழ்ச்சியை அளித்தது. தங்கத்தை ஆர்வத்துடன் வாங்கினர்.
அவ்வப்போது விலை உயர்ந்தாலும் தங்கம் விலை பெரிதாக மாறவில்லை. இந்நிலையில் தங்கம் விலை வாரம் தொடங்கியதிலிருந்தே ஏறுமுகத்தில் இருக்கிறது.மீண்டும் உயரத் தொடங்கியுள்ளது.
வெள்ளி விலையும் லேசாக உயர்ந்துள்ளது. வெள்ளி கிராமுக்கு 30 பைசா உயர்ந்து, ரூ.67.00ஆகவும், கிலோவுக்கு 300 ரூபாய் அதிகரித்து ரூ.67000 ஆகவும் விற்கப்படுகிறது