லங்காசிறி FM
Thyroid - தைராய்டு நோயின் அறிகுறிகள் மற்றும் காரணங்கள்
Fathima
தினந்தோறும் ஏராளமான ஆரோக்கிய பிரச்சனைகளை மக்கள் சந்தித்து வருகின்றனர். ஆனால் இதற்கு சிலர் மட்டுமே முறையான மருத்துவரை சந்தித்து சிகிச்சை எடுத்து கொண்டிருக்கிறார்கள்.
மாறாக பெரும்பான்மையினர் தாங்களாகவே ஏதாவது ஒரு மருந்து மாத்திரைகளை எடுத்துக் கொண்டு, வேலைகளை பார்த்து கொள்கிறார்கள்.
அதன் பின் நிலைமை மோசமான பிறகே மருத்துவரை சந்திக்கிறார்கள்.
அதிலும் குறிப்பாக உடலுறுப்புக்களில் ஏதேனும் பிரச்சனையாக இருந்தால் ஆரம்பத்தில் மருத்துவரை சந்திப்பது சிறந்தது.
தைராய்டு சுரப்பி
நமது உடலில் மிகவும் முக்கியமான ஒரு சுரப்பியாக தைராய்டு சுரப்பி பார்க்கப்படுகின்றது.
இந்த சுரப்பி கழுத்துப் பகுதியில் பட்டாம்பூச்சி வடிவில் அமைந்திருக்கும். இந்த சுரப்பியில் இருந்து உற்பத்தி செய்யப்படும் ஹார்மோன்கள் இதயம், மூளை, தசைகள் மற்றும் பிற முக்கிய உறுப்புக்களுக்கு சென்று செயற்பாட்டை மேம்படுத்துகின்றது.
தனக்கு கிடைக்கும் ஆற்றலை உடல் பயன்படுத்திக் கொள்ளவும், கதகதப்புடன் வைத்துக்கொள்ளவும் இந்த சுரப்பி அவசியமாகும்.
குறிப்பிட்டு சொல்லவேண்டுமென்றால் தைராய்டு சுரப்பி பற்றரி போன்றது, இது குறைவாகவோ அல்லது கூடுதலாகவோ சுரந்தால் நோய் என்று குறிப்பிடுகிறோம்.
தேவையான அளவு சுரக்காத பட்சத்தில் அதை “ஹைப்போ தைராய்டு” என்றும், அதிகளவு சுரந்தால் ”ஹைப்பர் தைராய்டு” என்றும் அழைக்கிறோம்.
மூன்றாவதாக தைராய்டு சுரப்பி வீக்கமடைந்து விடுவதை கழுத்துக்கழலை என குறிப்பிடுகிறோம், இதற்கு அறுவைசிகிச்சையே தீர்வாகும்.
இந்த பதிவில் தைராய்டு நோய்க்கான அறிகுறிகள் என்ன என்பதை தொடர்ந்து பார்க்கலாம்.
ஹைப்போ தைராய்டிசம்
ஆண்கள், பெண்கள், குழந்தைகள் என அனைவரையும் பொதுவாக தாக்கும் நோய்களில் ஒன்றாக பார்க்கப்படுகிறது.
இதனை மனஅழுத்தம் கொண்ட நோயாக பலரும் தவறாக கண்டறிகின்றனர், திடீரென எடை அதிகரிப்பது, முகம்- கால்களில் வீக்கம் போன்றவை ஹைப்போ தைராய்டிசம்கான அறிகுறிகள் ஆகும்.
சோர்வாக இருத்தல், பசி இல்லாமல் இருப்பது, எப்போதும் தூக்க உணர்வு, அதிக குளிரை உணர்தல், பெண்களுக்கு மாதவிடாய் சுழற்சியில் மாற்றம், முடி உதிர்தல் போன்றவையும் இதற்கான அறிகுறிகள் ஆகும்.
ஹைப்பர் தைராய்டிசம்
பசியறிந்து ஆரோக்கியமான உணவுகளை உட்கொண்டாலும் உடல் எடை குறைதல், கை- கால்களில் நடுக்கம், மனநிலையில் மாற்றம் போன்றவை முக்கியமான அறிகுறியாக பார்க்கப்படுகிறது.
மேலும் தூக்கத்தின் போது மூச்சு விடுவதில் சிரமம், இதயத்துடிப்பு சீரற்று இருப்பது, நடுக்கம், வெயிலை தாங்கிக் கொள்ள முடியாமல் இருப்பது, மூளையின் செயல்பாடுகளில் மாற்றம் போன்றவையும் இதன் அறிகுறிகளே.
இவை தவிர சருமம் உலர்ந்து போதல், மலச்சிக்கல், மனச்சோர்வு போன்றவையும் அறிகுறிகள் ஆகும்.
ஏன் வருகிறது?
பிறப்பிலேயே தைராய்டு பிரச்சனையுடன் பிறப்பது, ஆட்டோ இம்யூன் குறைபாடுகள், கழுத்துப் பகுதியில் கதிர்வீச்சு சிகிச்சை, ஒரு சில மருந்துகளை தொடர்ந்து உட்கொள்ளுதல், பிட்யூட்டரி சுரப்பியில் மாறுபாடு, பரம்பரையில் தைராய்டு குறைபாடு இருப்பது, சீரான அளவில் அயோடின் எடுத்துக்கொள்ளாதது போன்றவற்றை குறிப்பிடலாம்.
சிகிச்சைகள் என்னென்ன?
ஹார்மோனின் அளவை சரிசெய்ய மருத்துவர் பரிந்துரைக்கும் அளவுகளில் தவறாமல் மருந்துகளை எடுத்துக்கொள்ள வேண்டும்,
சுயமாக மருந்துகளை எடுத்துக்கொள்ளக்கூடாது, சீரான காலகட்டத்தில் ரத்த பரிசோதனை செய்வது அவசியம்.
அறிகுறிகள் அதிகம் இருந்தால் உடனடியாக மருத்துவரை தொடர்பு கொள்ள வேண்டும், இன்னும் பிற பக்கவிளைவுகள் இருந்தாலும் மருத்துவரை நாடுவது சிறந்தது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
ஊர்காவற்துறை, பிரித்தானியா, United Kingdom, கனடா, Canada
15 Dec, 2022
புங்குடுதீவு 12ம் வட்டாரம், புங்குடுதீவு 11ம் வட்டாரம், கனடா, Canada
03 Dec, 2014
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
