லங்காசிறி FM
தனுஷின் அரசியல் வருகை குறித்து தீவிரமாகும் பேச்சு : பின்னணி காரணம் இதுவா!
Actor Dhanush : நடிகர் தனுஷ் அரசியலுக்கு வரப்போகிறார் என்ற பேச்சு சமீபகாலமாக சமூக வலைதளங்களில் பரபரப்பை ஏற்படுத்தி வருகின்றமை அனைவரும் அறிந்தது தான்.
தனுஷ் அரசியலுக்கு வருகிறாரா?
தனுஷ் அரசியலுக்கு வந்தால் தனிக்கட்சி தொடங்குவாரா, ஏற்கனவே உள்ள மாநிலக் கட்சியில் இணைவாரா அல்லது தேசியக் கட்சியில் சேர்வாரா என்ற அளவுக்கு தற்போது விவாதங்களும் எழுந்துள்ளன.
தனுஷின் ரசிகர் மன்ற செயல்பாடுகளில் ஏற்பட்டுள்ள சில மாற்றங்களே அவர் அரசியல் களத்தில் இறங்குவதற்கான முன்னோட்டமாக இருக்கலாம் என ரசிகர்கள் கருதுகின்றனர்.
இதற்கிடையே, முதல்வர் விஜய்யுடன் நெருங்கிய தொடர்பை பேணும் ஜோதிடர் ரிக்கி ராதன் பண்டிட், தனுஷின் அரசியல் எதிர்காலம் குறித்து கணித்ததாக தகவல்கள் வெளியாகியுள்ளன. அரசியலுக்கு வந்தால் தனுஷுக்கு பிரகாசமான எதிர்காலம் இருப்பதாகவும், எதிர்காலத்தில் பெரிய அரசியல் இடத்தைப் பிடிக்க வாய்ப்புள்ளதாகவும் அவர் கூறிய தகவல் இணையத்தில் கவனம் பெற்றுள்ளது.
விஜய் எப்படி அரசியலுக்கு வந்த கையோடு முதல்வரானாரோ அதே மாதிரி தனுஷுக்கும் பெரிய இடம் கிடைக்கும் என கூறியிருக்கிறார் ராதன் பண்டிட்.மேலும், 2031 சட்டப்பேரவைத் தேர்தலில் விஜய்–தனுஷ் இடையே அரசியல் போட்டி உருவாகலாம் என்றும், தனுஷின் வருகை தமிழக அரசியலில் புதிய மாற்றத்தை ஏற்படுத்தக்கூடும் என்றும் சமூக வலைதளங்களில் பேசப்படுகிறது.
சினிமாவில் ஆரம்பத்தில் விருப்பமின்றி நடிக்க வந்த தனுஷ், பின்னர் தனது திறமையால் தமிழ் சினிமாவைத் தாண்டி ஹாலிவுட் வரை தனக்கென தனி அடையாளத்தை உருவாக்கினார். ராயன் திரைப்படத்திற்காக தேசிய விருது கிடைத்த விவகாரமும் சமீபத்தில் பேசுபொருளாக இருந்தது.
அதேபோல், தான் படித்த சத்யா பள்ளிக்கு தனுஷ் மூன்று மாடிக் கட்டிடம் கட்டிக் கொடுத்துள்ளார். அந்தக் கட்டிடத்திற்கு ‘தனுஷ் பிளாக்’ என பெயரிடப்பட்டுள்ள நிலையில், அங்கு தனுஷ் எடுத்த புகைப்படங்களைப் பார்த்த ரசிகர்கள், அவர் அரசியல் தலைவரைப் போல தோற்றமளிப்பதாகவும் கருத்து தெரிவித்தனர்.
இதனிடையே, தனுஷ் அரசியலுக்கு வருகிறாரா என்று நடிகர் விஷாலிடம் கேட்கப்பட்டபோது, அவர் அரசியலுக்கு வந்தால் தனது வாழ்த்துகளைத் தெரிவித்துக் கொள்வதாக கூறியுள்ளார்.
இவ்வாறு தனுஷின் அரசியல் வருகை குறித்து பல்வேறு தகவல்கள் பரவி வந்தாலும், அவர் அரசியலுக்கு வருவது தொடர்பாக தனுஷ் தரப்பில் இருந்து அதிகாரப்பூர்வமாக எந்த அறிவிப்பும் வெளியாகாகவில்லை என்பது குறிப்பி்டத்தக்கது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
உலகையே இணைத்த அதிசயம் - இன்டர்நெட்டை உருவாக்கியவர் யார்ன்னு தெரியுமா? 15 மணி நேரம் முன்
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023