சூப்பர் சிங்கர் ஜூனியர் மேடையில் கலக்கவுள்ள யாழ். குயில் பிரியங்கா

Jaffna Sri Lanka Super Singer Tamil TV Shows

By DHUSHI Nov 18, 2024 03:30 PM GMT

DHUSHI

Report

சூப்பர் சிங்கர் ஜூனியர்- 10 நிகழ்ச்சியில் இலங்கை- யாழ்பாணத்தை சேர்ந்து சிறுமியொருவர் கலந்து கொள்ள இருப்பதாக தகவல் வெளியாகியுள்ளது.

சூப்பர் சிங்கர் ஜூனியர்- 10

பிரபல தொலைக்காட்சியில் பிரமாண்டமாக சூப்பர் சிங்கர் ஜூனியர் - 10 நிகழ்ச்சி ஒளிபரப்பாகவுள்ளது. இதில் திறமைக் கொண்ட சிறுவர்கள் கலந்து கொள்ள இருக்கிறார். இவர்களுக்கான குரல் தேடல் சிறப்பாக நடந்து முடிந்துள்ளது.

இந்த நிலையில், சூப்பர் சிங்கர் ஜூனியர் - 10 போட்டியில் யாழ்ப்பாணம் - கொக்குவில் பகுதியைச் சேர்ந்த சிந்துமயூரன் பிரியங்கா என்கிற 11 வயதுடைய சிறுமி கலந்து கொள்ளவுள்ளார்.

குறித்த போட்டிக்கான தெரிவுகள் யாவும் நடந்து முடிந்த நிலையில், எதிர்வரும் சனி மற்றும் ஞாயிற்றுக்கிழமை பி.ப 6.30 மணியளவில் தொலைக்காட்சியில் ஒளிபரப்பாகவுள்ளது.

சூப்பர் சிங்கர் ஜூனியர் மேடையில் கலக்கவுள்ள யாழ். குயில் பிரியங்கா | Super Singer Junior 10 Participated In Jaffna Girl

பிரியங்காவின் இசை பயணம்

இசையின் மீது கொண்ட ஆர்வம் காரணமாக சிறுமி கடந்த தை மாதம் யாழ்ப்பாணத்தில் நடைபெற்ற இசை நிகழ்வில் பாடகியாக அறிமுகமானார்.

அதன் பின்னர், அவரின் குரலுக்கு ஏகப்பட்ட பாராட்டுக்கள் வந்துள்ளன. இதனை முன் படியாக வைத்து கொண்டு நிகழ்ச்சிக்கான குரல் தேர்வில் கலந்து கொண்டுள்ளார். இதில் தெரிவாகி இன்னும் சில நாட்களில் எம்மை அவருடைய காந்த குரலால் மயக்க வருகிறார்.

இந்த செய்தி சமூக வலைத்தளங்களில் வைரலாகி வருகின்றது.

குறித்த சிறுமிக்கு பல்வேறு தரப்பினரும் தமது வாழ்த்துக்களையும் பாராட்டுக்களையும் தெரிவித்து வருகின்றனர்.