இலங்கை ஸ்டைலில் அசத்தலான முட்டை குழம்பு: வெறும் 10 நிமிடத்தில் தயார் செய்வது எப்படி?
இலங்கை மக்களின் சமையல் என்றால் சுவையில் யாராலும் அடித்துக்கொள்ள முடியாது. அந்த அளவிற்கு அசத்தலான சுவையில் வைத்திருப்பார்கள். மேலும் அவர்களின் உணவு மிகவும் காரசாரமாகவே இருக்கும். தற்போது இலங்கை ஸ்டைலில் சுவையான முட்டை குழம்பு தயார் செய்வதை தெரிந்து கொள்ளலாம்.
தேவையான பொருள்கள்
- முட்டை – 5
- தக்காளிப் பழம் – 4 (2 cup)
- பெரிய வெங்காயம் – 2 (1 cup)
- பச்சை மிளகாய் – 3
- மல்லி, புதினா இலை – ஒரு கைப்பிடி அளவு
- மஞ்சள் தூள் – 1 tea spoon
- மிளகாய் தூள் – 1 tea spoon
- மல்லி தூள் (தனியா) – 3 table spoon
- மிளகு தூள் – 2 tea spoon
- கறி மசால் தூள் – 2 tea spoon
- சோம்பு தூள் – 2 tea ஸ்பூன்
- எண்ணெய் – 30ml
செய்முறை
மூன்று முட்டைகளை வேக வைத்து கூட்டை நீக்கவும். வெங்காயம், தக்காளியை பொடியாக நறுக்கி கொள்ளவும். மல்லி, புதினா இலையை காம்பு நீக்கி சிறிதாக அரிந்து கொள்ளவும்.
எண்ணையை காய வைத்து அதில் நறுக்கிய வெங்காயம் மற்றும் தக்காளியை போட்டு நன்றாக வதக்கவும். இத்துடன் மிளகாயை இரண்டாக ஒடித்து போடவும். மஞ்சள், மிளகாய், தனியா தூள், கறி மசால் கலந்து கிளறவும். சற்று வெந்தவுடன், இரண்டு கப் தண்ணீர் சேர்த்து மிதமான சூட்டில் வைக்கவும்.
தண்ணீர் சூடானவுடன் இரண்டு முட்டைகளை மெதுவாக உடைத்து ஊற்றவும். மிதமான சூட்டில் இன்னும் சிறிது நேரம் உடைத்த முட்டை கட்டியாகும் வரை சூடக்கிவிட்டு, பின்பு வேக வாய்த்த முட்டைகளை இரண்டாக நறுக்கி சேர்க்கவும்.
இப்போது சூட்டை கூட்டி வைக்கலாம். தண்ணீர் வற்றியதும், சோம்பு, மிளகு தூள் சேர்க்கவும். மல்லி, புதினா இலை தூவி இறக்கவும்.