அமரன் படத்தின் மாபெரும் வெற்றி: பரிசு கொடுத்த சிவகார்த்திகேயன்... யாருக்கு தெரியுமா?

தமிழ் திரைப்பட நடிகர், தயாரிப்பாளர், பாடகர் மற்றும் பாடலாசியர் என பல துறைகளில் பணியாற்றி வருபவர் சிவகார்த்திகேயன்.

நடிகர் சிவகார்த்திகேயன்

தமிழ் சினிமா துறையில் அசுர வேகத்தில் வளர்ச்சியடைந்தவர் இவர். குறுகிய காலத்திலேயே தனக்கென ஒரு ரசிகர் பட்டாளத்தையே உருவாக்கிக் கொண்டுள்ளார்.

சிவகார்த்திகேயன் தனது கல்லூரி காலத்தில் நண்பர்களுடன் இணைந்து குறும்படங்களில் நடித்து பிரபலமாகியுள்ளார்.

பின்னர் மிமிக்ரி போன்ற தனித்திறமை கொண்டு மேடை நகைச்சுவையாளராக சின்னத்திரையில் அறிமுகமானவர்.

இவர் பிரபல தொலைக்காட்சியில் ஒளிபரப்பான 'கலக்க போவது யாரு' நிகழ்ச்சியில் ஒரு போட்டியாளராக பங்குபெற்று பிரபலமானவர்.

சிவகார்த்திகேயன் பின்னர் தனது மிமிக்ரி திறமையை கொண்டு மக்களின் ஆதரவை பெற்று அதே தொலைக்காட்சியில் பணியாற்றி புகழ் பெற்றார்.

இவர் தொலைக்காட்சிகளில் நிகழ்ச்சி தொகுத்து வழங்கிய போது நடனம் காமெடி டைமிங் டயலாக் உள்ளிட்ட தன்னுள் ஒளிந்திருந்த பல திறமைகளை வெளிப்படுத்தி காட்டியதன் மூலம் மக்களின் கவனத்தை ஈர்த்தார்.

சிவகார்த்திகேயன் முதல் முதலில் 2012 ஆம் ஆண்டு மெரினா திரைப்படத்தில் நடித்து தமிழ் சினிமாவில் இவர் நடிகராக அறிமுகம் ஆனார் .

முதல் திரைப்படமே இவருக்கு மாபெரும் வெற்றி திரைப்படமாக அமைந்து அவரது நடிப்பை பலரும் பாராட்டினார்கள். இதனால் அடுத்தடுத்த திரைப்பட வாய்ப்புகள் அவருக்கு கிடைத்து வந்தது.

அடுத்ததாக தனுஷ் நடிப்பில் வெளிவந்த மாபெரும் வெற்றி பெற்ற 3 திரைப்படத்தில் தனுஷின் நண்பராக சிவகார்த்திகேயன் நடித்திருப்பார்.

அதை தொடர்ந்து மனம் கொத்தி பறவை, கேடி பில்லா கில்லாடி ரங்கா,எதிர்நீச்சல் , வருத்தப்படாத வாலிபர் சங்கம் , மான் கராத்தே , காக்கிசட்டை, ரஜினி முருகன் , வேலைக்காரன், மிஸ்டர் லோக்கல், நம்ம வீட்டு பிள்ளை, டாக்டர் ,மாவீரன் , அயலாம் போன்ற படங்களில் நடித்துள்ளார். இவரின் நடிப்பில் பல திரைப்படங்கள் மாபெரும் ஹிட் கொடுத்துள்ளது. 

கடைசியாக சிவகார்த்திகேயன் நடிப்பில் வெளிவந்து திரையரங்களில் வெற்றிகரமாக ஓடிக் கொண்டிருக்கும் திரைப்படம் தான் அமரன். 

இந்திய ராணுவத்தில் பணியாற்றி நாட்டிற்காக உயிர்நீத்த மேஜர் முகுந்த் வரதராஜனின் உண்மை கதையை மையமாக வைத்து எடுக்கப்பட்ட இந்த படத்தில் சிவகார்த்திகேயனுடன் இணைந்து சாய் பல்லவி முதன் முதலாக நடித்துள்ளார்.

அமரன் திரைப்பட வெற்றி 

தற்போது, அமரன் திரைப்படம் தமிழகத்தில் மட்டும் ரூ. 98 கோடி வசூல் செய்துள்ளதாக தகவல்கள் வெளியானியுள்ளது சர்வதேச ரீதியில் இத்திரைப்படம் 200 கோடியை நெருங்கி வருகின்றது.

 இந்நிலையில் அமரன் படத்தின் மாபெரும் வெற்றியை தொடர்ந்து இசையமைப்பாளரான ஜிவி. பிரகாஷ் குமாருக்கு சிவகார்த்திகேயன் ஒரு விலை உயர்ந்த கைக்கடிகாரத்தை பரிசாக கொடுத்துள்ளார்.

அதற்கு நன்றி தெரிவித்து ஜிவி பிரகாஷ் வெளியிட்டுள்ள பதிவு தற்போது இணையத்தில் வைரலாகி வருகின்றது. 

Thanks @Siva_Kartikeyan for the sweet gift for #Amaran success ❤️✨ pic.twitter.com/HhnxCxI6w1

— G.V.Prakash Kumar (@gvprakash) November 9, 2024