லங்காசிறி FM
ஸ்ருதிஹாசன் ரகசிய திருமணம் செய்து கொண்டாரா? அவரே வெளியிட்ட பதிவு!
Vinoja
பிரபல நடிகையும், உலக நாயகன் கமல்ஹாசனின் மூத்த மகளுமான ஸ்ருதிஹாசன், ரசகிசயமாக திருமணம் செய்து கொண்டதாக தகவல்கள் பரவியதையடுத்து அதற்கு விளக்கமளிக்கம் வகையில்
நடிகை ஸ்ருதிஹாசன்
தமிழ் திரையுலகின் செல்லப்பிள்ளையாக உள்ள ‘உலக நாயகன்’ கமல்ஹாசனின் மூத்த மகள், ஸ்ருதிஹாசன். இவரது தாய் சரிகா, சில தமிழ் படங்களிலும் இந்தி படங்களிலும் நடித்துள்ளார். இவருக்கு அக்ஷரா ஹாசன் என்ற தங்கையும் உள்ளார்.
தமிழ் மற்றும் இந்தி மொழியில் வெளியான ‘ஹேராம்’ படத்தில் ஸ்ருதி, குழந்தை நட்சத்திரமாக நடித்து அறிமுகமானார்.
2009 முதல் 2011ஆம் ஆண்டு வரை தெலுங்கு மற்றும் இந்தி மொழி படங்களில் நடித்து வந்த இவர், தமிழ் ரசிகர்களுக்கு 2011ஆம் ஆண்டு அறிமுகமானார்.
‘ஏழாம் அறிவு’ படத்தில் சூர்யாவுடன் இணைந்து நடித்திருந்த இவரது நடிப்பு ரசிகர்களை கவர்ந்தது.தொடர்ந்து 3, புலி, வேதாளம், சிங்கம் 3 உள்ளிட்ட சில கமர்ஷியல் படங்களில் நடித்திருந்தார்.
இவற்றில் நடித்து காெண்டிருந்த போதே சில தெலுங்கு மற்றும் இந்தி படங்களிலும் நடித்து வந்தார். இவருக்கு தெலுங்கு ரசிகர்கள் நல்ல வரவேற்பு அளித்து வரும் நிலையில், தொடர்ந்து பல தெலுங்கு படங்களில் நடித்து வருகிறார்.
சமீபத்தில் வெளியான ‘சலார்: பார்ட் 1 சீஸ் ஃபயர்’ படத்தில் முக்கிய கதாப்பாத்திரத்தில் நடித்துள்ளார். லண்டனில் செட்டிலான ஸ்ருதி.. ஸ்ருதி ஹாசனுக்கு நடிப்பை விட, இசை மீது ஆர்வம் அதிகம். இதையடுத்து, சில ஆண்டுகளுக்கு முன்னர் லண்டனில் செட்டிலாகி விட்டார்.
இவர், சாந்தனு ஹசாரிக்கா என்பவரை பல ஆண்டுகளாக டேட்டிங் செய்து வருகிறார். ஸ்ருதி, சமீபத்தில் இசை ஆல்பம் ஒன்றை வெளியிட்டிருந்தார். அது மட்டுமன்றி, இன்ஸ்டாகிராமில் படு ஆக்டிவாக இருக்கும் ஸ்ருதிஹாசன், அடிக்கடி தனது காதலர் சாந்தனுவுடன் எடுத்த புகைப்படங்களை வெளியிடுவது வழக்கம்.
இந்த நிலையில், பாலிவுட்டின் பிரபலங்களின் நட்பு வட்டாரங்களில் ஒருவராக இருக்கும் ஓர்ஹான் என்பவர் ஸ்ருதிஹாசன் குறித்து தனது இன்ஸ்டாகிராம் பக்கத்தில் ஒரு பதிவினை வெளியிட்டிருந்தார்.
அதில், ஸ்ருதிஹாசன் ஓரமுறை போட்டோ எடுக்கும் போது தன்னிடம் கோபமாக நடந்து கொண்டதாகவும், ஆனால் அவரது கணவர் சாந்தனுவுடன் தான் நல்ல நட்பு கொண்டிருப்பதாகவும் பதிவிட்டிருந்தார். இதையடுத்து, ஸ்ருதிஹாசன் தனது காதலரை ரகசியமாக திருமணம் செய்து கொண்டதாக தகவல்கள் பரவியது.
ஸ்ருதிஹாசன் விளக்கம்
ஸ்ருதிஹாசனின் ரகசிய திருமணம் குறித்து தகவல்கள் பரவியதையடுத்து, அவரே அதற்கு விளக்கமளித்து ஒரு பதிவினை வெளியிட்டுள்ளார். அதில், “எனக்கு இன்னும் திருமணமாகவில்லை.
நான் எனது வாழ்க்கை குறித்து வெளிப்படையாக இருக்கும் போது, இதை மட்டும் ஏன் மறைக்க வேண்டும்? என்ன பற்றி தெரியாதவர்கள் தயவு செய்து அமைதியாக இருங்கள்” என்று குறிப்பிட்டுள்ளார்.
திருமணம் குறித்து பேசிய ஸ்ருதிஹாசன்.. ஸ்ருதி, இந்த திருமண வதந்திகள் பரவுவதற்கு முன்னர் ஒரு பிரபல ஊடகத்திற்கு பேட்டி கொடுத்திருந்தார். அதில், தனக்கு ‘திருமணம்’ என்ற வார்த்தையை கேட்டாலே பயமாக இருப்பதாக கூறியிருந்தார்.
மேலும், தனக்கு தனது காதலருடன் இருக்கும் போது மகிழ்ச்சியாக இருப்பதாகவும் அவருடன் இணைந்து வேலை செய்வது நல்ல பொழுதுபோக்காக இருப்பதாகவும், “இது திருமணத்தை விட சிறந்தது இல்லையா?” என்றும் கூறியிருந்தார். ஸ்ருதிஹாசனின் திருமண வதந்திகள் தற்போது இணையத்தில் காட்டு தீ போல் பரவிவருகின்றது.
— shruti haasan (@shrutihaasan) December 26, 2023
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP இல் இணையுங்கள் JOIN NOW |
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
கல்வியங்காடு, Wembley, United Kingdom, King's Lynn, United Kingdom
22 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
