லங்காசிறி FM
மெஷினில் சிக்கியது கை.... மருத்துவமனையில் பிரபல நடிகை
பிரபல ரிவி சீரியல்களில் நடித்து வரும் சாய் காயத்ரி விபத்து ஒன்றில் சிக்கி மருத்துவமனையில் அனுமதிக்கப்பட்டுள்ள புகைப்படம் இணையத்தில் வைரலாகி வருகின்றது.
நடிகை சாய் காயத்ரி
பிரபல ரிவியில் ஒளிபரப்பான ஈரமான ரோஜாவே, பாண்டியன் ஸ்டோர் போன்ற தொடர்களில் நடித்து பிரபலமானவர் தான் நடிகை சாய் காயத்ரி.
இவர் தற்போது நீ நான் காதல் என்ற தொடரில் நடித்து வருகின்றார். நடிப்பில் மட்டுமின்றி தனிப்பட்ட முறையில் தொழில் செய்தும் வருகின்றார்.
கடந்த ஆண்டு தன்னுடைய பெற்றோர் துணையுடன், 'சாய் சீக்ரெட்ஸ்' என்கிற அழகு பொருட்கள் தயாரிக்கும் நிறுவனத்தை தொடங்கியுள்ள நிலையில், இதில் 20க்கும் மேற்பட்ட நபர்கள் வேலை செய்து வருகின்றனர்.
அடிக்கடி தனது சாய் சீக்ரெட்ஸ் பொருட்கள் குறித்து காணொளி வெளியிடுவதை வழக்கமாக வைத்துள்ளார்.
விபத்தில் சிக்கியது எப்படி?
சாய் சீக்ரெட்ஸ் நிறுவனத்தின் மூலம் இயற்கை முறையில் தயாரிக்கப்படும் ஹேர் ஆயில், ஃபேஸ் மாஸ்க், நலங்கு மாவு, ஹேர் பேக், சோப் உள்ளிட்ட 8 பொருட்களை இவர் தயாரித்து விற்பனை செய்து வருகிறார்.
இதற்காக பிரத்யேகமான மெஷின்களை வைத்து தனது தொழிலை நடத்தி வரும் இவர் விபத்தில் சிக்கியுள்ளார்.
ஆம் குறித்த மெஷினில் கை சிக்கி விபத்தில் சிக்கியுள்ளார். தற்போது மருத்துவமனையில் அனுமதிக்கப்பட்டு சிகிச்சை பெற்றுவரும் நிலையில், இவரின் புகைப்படம் தற்போது இணையத்தில் வைரலாகி வருகின்றது.
இவர் வெளியிட்டுள்ள பதிவில், நேற்று எதிர்பாராத விபத்து ஏற்பட்டுள்ளது. பொருட்கள் தயாரிக்கும் போது இயந்திரத்தினால் காயம் ஏற்பட்டுள்ளது. 2 வாரத்திற்குள் மீண்டு வந்து சமூக வலைத்தளங்களில் ஆக்டிவ்வாக இருப்பேன் என்று கூறியுள்ளார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
