சேமியாவில் சுவையான முட்டை பிரியாணி செய்வது எப்படி?
சேமியா பிரியர்களுக்கு வித்தியாசமான முட்டை சேர்த்த அருமையான சேமியா ப்ரியாணி செய்வது எப்படி என்பதை பற்றி பார்ப்போம்....
தேவையான பொருட்கள்
- சேமியா - 1 கப்
- நெய் - 3 டீஸ்பூன்
- பட்டை - 2
- வெங்காயம் - 1
- தக்காளி - 1
- முட்டை - 3
- மிளகாய் தூள் - 1 டீஸ்பூன்
- மஞ்சள் தூள் - 1/4 டீஸ்பூன்
- எண்ணெய் - தேவையான அளவு
- உப்பு - தேவையான அளவு
- கொத்தமல்லி - தேவையான அளவு
செய்முறை
முதலில் கொத்தமல்லி, வெங்காயம், தக்காளியை பொடியாக நறுக்கி கொள்ளவும்.
அடுத்து சேமியாவை நெய் விட்டு வறுத்து கொள்ள வேண்டும். அதே கடாயில் எண்ணெய் விட்டு காய்ந்ததும் பட்டை, வெங்காயம், தக்காளி போட்டு நன்கு வதக்கி, மிளகாய் தூள், மஞ்சள் தூள், உப்பு சேர்த்து வதக்கி பின்பு முட்டையை உடைத்து ஊற்ற வேண்டும்.
இதில் 1 1/2 கப் தண்ணீர் ஊற்றி நன்கு கொதிக்க விடவேண்டும். கொதித்த பிறகு, சேமியாவை சேர்க்க வேண்டும். நன்கு வெந்தபிறகு கொத்தமல்லி தூவி இறக்கவும்.