எந்த பக்கபோனாலும் ட்ரெண்டிங் இவர்தான்! 4 விரலை காட்டி மாஸ் காட்டிய ஜடேஜா; வைரல் வீடியோ
ஐ.பி.எல் தொடரின் 12-வது லீக் போட்டி மும்பை வான்கடே மைதானத்தில் நேற்று நடைபெற்றது.
இதில் தோனி தலைமையிலான சென்னை சூப்பர் கிங்ஸ் அணியும், இளம்வீரர் சஞ்சு சாம்சன் தலைமையிலான ராஜஸ்தான் ராயல்ஸ் அணியும் மோதின.
முதலில் பேட்டிங் செய்த சென்னை அணி, நிர்ணயிக்கப்பட்ட 20 ஓவர்களில் 9 விக்கெட் இழப்புக்கு 188 ரன்களை எடுத்தது.
இதையடுத்து, து 189 ரன்கள் எடுத்தால் வெற்றி என்ற இலக்குடன் ராஜஸ்தான் அணி விளையாடியது. இதில், தொடக்க ஆட்டக்காரர்களாக ஜாஸ் பட்லர் மற்றும் மனன் வோஹ்ரா களமிறங்கினர்.
அப்போது சாம் கர்ரன் வீசிய போட்டியின் 4-வது ஓவரில் ஜடேஜாவிடம் கேட்ச் கொடுத்து மனன் வோஹ்ரா அவுட் ஆனார்.
இதனையடுத்து களமிறங்கிய கேப்டன் சஞ்சு சாம்சனும் (1 ரன்), சாம் கர்ரனின் ஓவரில் அவுட்டாகி வெளியேறினார். அடுத்தடுத்து விக்கெட்டுகளை இழந்து அந்த அணி 20 ஓவர்கள் முடிவில் 9 விக்கெட்டுகளை இழந்து 143 ரன்கள் மட்டுமே குவித்தது.
இதன் மூலம் சென்னை சூப்பர் கிங்ஸ் அணி 45 ரன்கள் வித்தியாசத்தில் பெரும் வெற்றி பெற்றது. இதனைத்தொடர்ந்து, 4 ஓவர்கள் வீசிய சிஎஸ்கே வீரர் ஜடேஜா, 28 ரன்களை விட்டுக்கொடுத்து 2 விக்கெட்டுகளை கைப்பற்றினார்.
அதுமட்டுமல்லாமல் 4 கேட்சுகளை பிடித்து அசத்தினார். மேலும், மைதானத்தில் எந்த பக்கம் திரும்பினாலும் ஜடேஜாதான் பீல்டிங்கில் தாவி தாவி பிடித்து ரசிகர்களை கவர்ந்தார்.
இறுதியாக, ஜெயதேவ் உனத்கட் அடித்த பந்தை கேட்ச் பிடித்த ஜடேஜா, உற்சாகமாக 4 விரல்களை காட்டி கொண்டாட்டத்தை வெளிப்படுத்தினார். இந்த வீடியோ தற்போது சமூக வலைதளங்களில் ரசிகர்களிடையே வைரலாகி வருகிறது.
A resounding victory for @ChennaiIPL against #RR by 45 runs.
— IndianPremierLeague (@IPL) April 19, 2021
4 fine catches and 2 wickets for @imjadeja 👏👏#VIVOIPL pic.twitter.com/xMtP2v2elL