ஒரே சந்திப்பில் ஃபேவரைட் ஆகிவிட்டார் முதல்வர் விஜய் - விஜய் தேவரகொண்டா நெகிழ்ச்சி!

நடிகர் விஜய் முதலமைச்சராகப் பதவியேற்ற பிறகு, திரையுலகைச் சேர்ந்த பல பிரபலங்கள் அவரை நேரில் சந்தித்து தங்களது வாழ்த்துகளைத் தெரிவித்து வருகின்றனர்.

முன்னணி நடிகர்கள், நடிகைகள் எனப் பலரும் விஜய்யைச் சந்தித்து வாழ்த்து தெரிவித்து வரும் நிலையில், இந்தச் சந்திப்புகள் ரசிகர்கள் மத்தியிலும் கவனம் பெற்று வருகின்றன.

பாட்டி காலத்து பாரம்பரிய முறை: வீட்டிலேயே சுத்தமான தேங்காய் எண்ணெய் தயாரிப்பது எப்படி?

அந்த வகையில், தற்போது பிரபல நடிகை ராஷ்மிகா மந்தனா மற்றும் நடிகர் விஜய் தேவரகொண்டா ஆகிய இருவரும் தளபதி விஜய்யை நேரில் சந்தித்துப் பேசியுள்ளனர். இந்தச் சந்திப்பு குறித்த தகவல் தற்போது ரசிகர்களின் கவனத்தை ஈர்த்துள்ளது.

விஜய் தேவரகொண்டா பதிவு 

தளபதி விஜய்யைச் சந்தித்த அனுபவம் குறித்து விஜய் தேவரகொண்டா தனது மகிழ்ச்சியை வெளிப்படுத்தியுள்ளார். ஒரு பிஸியான நாளிலும் தங்களை அன்புடன் வரவேற்று, வாழ்க்கை, வேலை மற்றும் இந்த உலகம் குறித்துப் பல்வேறு விஷயங்களை விஜய் மனம் திறந்து பேசியதாக அவர் தெரிவித்துள்ளார்.

இதுகுறித்து விஜய் தேவரகொண்டா கூறுகையில், “தளபதி விஜய் சாருடன் மிகவும் அழகான நேரத்தைச் செலவிட்டோம். மிகவும் பிஸியான நாளிலும் எங்களை அன்போடு வரவேற்றார். வாழ்க்கை, வேலை மற்றும் இந்த உலகத்தைப் பற்றி எங்களுடன் பல விஷயங்களைப் பேசினார்.

அவருடன் ஒரே ஒரு சந்திப்பு... அவரை எனக்குப் பிடித்தமானவராக மாற்றிவிட்டது” என்று நெகிழ்ச்சியுடன் தெரிவித்துள்ளார்.

விஜய் தேவரகொண்டாவின் இந்தக் கருத்து, தளபதி விஜய்யுடனான சந்திப்பு அவருக்கு எந்த அளவுக்கு மறக்க முடியாத அனுபவமாக அமைந்தது என்பதை வெளிப்படுத்துகிறது. ஒரே ஒரு சந்திப்பிலேயே விஜய்யின் அணுகுமுறையும் உரையாடலும் தன்னைக் கவர்ந்துவிட்டதாக அவர் தெரிவித்திருப்பது குறிப்பிடத்தக்கது.

Weight Loss Drinks: தொப்பையைக் குறைக்க உதவும் 3 எளிய வீட்டு பானங்கள்!

இந்நிலையில், ராஷ்மிகா மந்தனா மற்றும் விஜய் தேவரகொண்டா ஆகியோரின் இந்தச் சந்திப்பு தொடர்பான தகவல்லும், புகைப்டங்களும் இணையத்தில் வைரலாகி வருகின்றது.