Ranitidine மாத்திரை எதற்காக பயன்படுகிறது?

Ranitidine மாத்திரை எதற்காக?

 Ranitidine எதற்காக? வயிற்றில் அமில சுரப்பை கட்டுப்படுத்தும் ஆன்டி ஹிஸ்டமைன் ஆகும்.

இரைப்பை மற்றும் குடல் புண்களுக்கு மருந்தாகும் Ranitidine, அமில சுரப்பால் ஏற்படும் நெஞ்செரிச்சல் பிரச்சனையை சரிசெய்கிறது.

வயிற்றுக்குள் சுரக்கும் அமிலத்தின் அளவை கட்டுப்படுத்துவதுடன், Zollinger-Ellison syndrome நோயால் பாதிக்கப்பட்டவர்களுக்கும் பரிந்துரைக்கப்படுகிறது.

எப்படி எடுத்துக்கொள்வது?

5ml மருந்தை தண்ணீரில் கலந்து வாய்வழியாக எடுக்கவும், மாத்திரைகள் கடித்தோ மொன்றோ சாப்பிடக்கூடாது, மருத்துவர் பரிந்துரைத்த காலஇடைவெளிகளில் மருந்துகளை கட்டாயம் எடுக்கவும், அளவுக்கு அதிகமான மாத்திரைகளும் பக்கவிளைவுகளை உண்டாக்கலாம்.

படுக்கைக்கு செல்வதற்கு முன்பாக எடுத்துக்கொள்வது சிறந்தது, அந்நேரத்தில் வயிற்றில் சுரக்கும் அமிலத்தை கட்டுப்படுத்துவதால் புண்களை ஆற்றுகிறது.

இதுதவிர வேறு சில மருந்துகளை எடுத்துக்கொள்ளும் நபராக இருந்தால் Ranitidine, எடுத்துக்கொள்வதற்கு இரண்டு மணிநேரத்துக்கு முன்பாகவோ, பின்னரோ சாப்பிடலாம். 

பக்கவிளைவுகள்

தலைவலி, தலைச்சுற்றல்
நெஞ்சுவலி, மூச்சுவிடுவதில் சிரமம்
வாந்தி, குமட்டல்
மனக்குழப்பம், இதயப் படபடப்பு
மஞ்சள்காமாலை
அடர் சிறுநீர்
காய்ச்சல், சளியுடன் கூடிய இருமல்
தோல் அல்லது முடி சார்ந்த பிரச்சனைகள்

மருந்துகள் எடுத்துக்கொண்ட பின்னரும் உடல்நிலை சரியில்லை என்றாலோ, தீவிரமான பிரச்சனைகள் இருந்தாலோ உடனடியாக மருத்துவரை தொடர்பு கொள்ளவும்.

மருந்துகள் எடுத்துக்கொள்ளும் நாட்களில் சிகரெட் மற்றும் மது அருந்துவதை தவிர்க்கவும், கருப்பு நிறத்தில் மலம், வாந்தி இருந்தாலும் மருத்துவரை உடனடியாக அணுகவும்.

விட்டமின் பி12 குறைவதால் இவ்வாறு உண்டாகலாம், மருந்துகள் எடுத்துக்கொள்ளும் போது போதுமான அளவு விட்டமின் பி 12 எடுத்துக்கொள்வதை உறுதிப்படுத்திக் கொள்ளுங்கள்.

ஆரஞ்ச், எலுமிச்சை போன்ற சிட்ரஸ் அதிகமுள்ள பழங்களை சாப்பிட வேண்டாம்.

கவனத்தில் எடுக்க

வாய் வழியாக உணவுக்கு முன் அல்லது உணவுக்கு பின் மருத்துவர்கள் பரிந்துரைப்படி எடுத்துக்கொள்ளலாம்.

ஒருநாளில் ஒருமுறை அல்லது இரண்டு முறை, மருத்துவர்கள் கூறிய அளவுகளில் மட்டுமே எடுக்கவும், அதிகளவில் எடுத்துக்கொண்டால் பக்கவிளைவுகள் ஏற்படலாம்.

எந்த மாத்திரையாக இருந்தாலும் மருத்துவர் பரிந்துரைக்கும் நாட்களில் மட்டுமே எடுத்துக்கொள்ள வேண்டும்.

சுயமாக அதே மருந்துகளை எடுத்துக்கொள்வதை கண்டிப்பாக தவிர்க்கவும் அல்லது மருத்துவர் குறிப்பிட்ட நாட்களை விடுத்து அதிக நாட்கள் எடுத்துக்கொள்வதையும் தவிர்க்கவும்.

யார் எடுத்துக்கொள்ளக்கூடாது?

கல்லீரல், சிறுநீரக நோயாளிகள் Ranitidine மாத்திரை எடுத்துக்கொள்ளும் முன் மருத்துவரிடம் தெரியப்படுத்தவும்.

கர்ப்பிணிகள், தாய்பாலூட்டும் பெண்கள், தாயாகும் முயற்சியில் இருப்பவர்கள் எடுத்துக்கொள்ளக்கூடாது.

மருத்துவரிடம் கலந்து ஆலோசிக்காமல், 12 வயதுக்கு குறைவானவர்கள் எடுத்துக்கொள்ளக்கூடாது, குழந்தைகளின் எடையை பொறுத்தே Dosage அளவுகள் இருக்கும்.     

ஆஸ்பிரின் போன்ற வலிநிவாரண மாத்திரைகள் சாப்பிடுவதை தவிர்க்கவும், டீ, காபி போன்ற பானங்கள் அருந்த வேண்டாம்.

குறிப்பட்ட கால இடைவெளிகளில் சிறிது சிறிதாக உணவை எடுக்கவும், உணவை நன்றாக மென்று சாப்பிடவும், அவசரமாக சாப்பிடக்கூடாது.

 பின்குறிப்பு: மருத்துவரின் பரிந்துரை இல்லாமல் சுயமாக மருந்துகளை எடுத்துக்கொள்வது பக்கவிளைவுகளை உண்டாக்கலாம்.