லங்காசிறி FM
சுவையான பூசணிக்காய் கட்லட் சாப்பிட்டுள்ளீர்களா? எப்படி செய்வது!
Rinosharai
பொதுவாக பூசணிக்காயை சமைத்து உண்பது தான் வழக்கம். ஆனால் இன்று பூசணிக்காயில் கட்லட் செய்து சாப்பிடுவோம்.
பூசணிக்காயில் உள்ள துத்தநாகச் சத்துகள், நமது உடலின் நோய் எதிர்ப்புச் சக்தியை அதிகரிக்கும் என்பதால் இது மிகவும் ஆரோக்கியமாகக் கருதப்படுகிறது.
தேவையான பொருட்கள்
- துருவிய பூசணிக்காய் - 300 கிராம்
- உருளைக்கிழங்கு - 1
- சோளமாவு - 2 தேக்கரண்டி
- அரிசி மாவு - 2 தேக்கரண்டி
- மிளகு தூள் - 1
- கறி மசாலாத்தூள் - 1
- வெங்காயம் - 1
- பச்சை மிளகாய் - 2
- எலுமிச்சம்பழச்சாறு - 1 தேக்கரண்டி
- பாண்தூள் - தேவையான அளவு
- எண்ணெய் - தேவையான அளவு
- உப்பு - தேவையான அளவு
செய்முறை
முதலில் வெங்காயம் மற்றும் பச்சை மிளகாயை பொடிதாக நறுக்கிக்கொள்ளவும்.
உருளைக்கிழங்கை வேகவைத்து மேல் தோலை உரித்து மசித்துக்கொள்ளவும்.
துருவிய பூசணிக்காயின் மேல் சிறிது தண்ணீர் தெளித்து, 10 நிமிடங்கள் இட்லி வேகவைப்பது போல ஆவியில் வேகவைத்து குளிர்விக்கவும்.
ஒரு பாத்திரத்தில் குளிரவைத்தப் பூசணிக்காய் துருவல், மசித்த உருளைக்கிழங்கு, நறுக்கிய வெங்காயம், பச்சை மிளகாய், கறி மசாலா தூள், மிளகு தூள், எலுமிச்சம்பழச்சாறு, அரிசி மாவு, சோளமாவு மற்றும் உப்பு சேர்த்து நன்றாகப் பிசைந்துகொள்ளவும்.
இந்தக் கலவையை கட்லெட் வடிவத்தில் தட்டிக்கொள்ளவும்.
பின்பு பாண் தூளில் புரட்டி எடுத்து 20 நிமிடங்கள் அப்படியே வைத்திருக்கவும்.
ஒரு பாத்திரத்தில் தேவையான அளவு எண்ணெய் ஊற்றி நன்றாக சூடானதும் கட்லெட்டை அதில் போட்டு மிதமான தீயில் பொன்னிறமாக பொரித்தெடுக்கவும்.
இப்பொழுது சுவையான பூசணிக்காய் கட்லெட் ரெடி. இதனை நீங்கள் தக்காளி சோஸ் சேர்த்து சாப்பிடலாம்.
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
