லங்காசிறி FM
பிரபல பின்னணி பாடகி மரணம்: பேரதிர்ச்சியில் திரையுலகம்
Manchu
மறைந்த பிரபல பின்னணிப்பாடகி கல்யாணி மேனன் நேற்று உடல்நலக் கோளாறால் உயிரிழந்த நிலையில், இவரது இறுதிச்சடங்கு இன்று பிற்பகல் 2 மணிக்கு சென்னை பெசண்ட் நகரில் உள்ள மயானத்தில் நடைபெறுகிறது.
தமிழ் மற்றும் மலையாள சினிமாவில் பிரபல பாடகியாக இருந்தவர் கல்யாணி மேனன். 1979ம் ஆண்டில் இவர் திரையுலகில் பாடகியாக அறிமுகமானார்.
நல்லதொரு குடும்பம் படத்தில் ’செவ்வானமே பொன் மேகமே’ பாடல்தான் இவரது முதல் பாடல். தொடர்ந்து பாடல்கள் பாடி வந்த இவர், ஏ.ஆர் ரகுமான் பாடல்களை அதிகமாக பாடல்களை படியுள்ளார்.
கல்யாணி மேனனுக்கு ராஜீவ்மேனன், கருணாகரன் மேனனென்ற இரண்டு மகன்கள். இதில் ராஜீவ்மேனன் இந்திய சினிமாவின் பிரபல ஒளிப்பதிவாளர் மற்றும் இயக்குநர். மின்சாரக்கனவு, கண்டுகொண்டேன் கண்டுகொண்டேன், சர்வம் தாளமயம் உள்ளிட்ட படங்களை இயக்கியவர் இயக்கியிருக்கிறார்.
சினிமா மற்றும் பக்தி ஆல்பங்களிலும் பாடி வந்த கல்யாணி மேனன், வயது மூப்பின் காரணமாக ஏற்பட்ட உடல் பிரச்சனையினால் சென்னை ஆழ்வார்பேட்டையில் உள்ள தனியார் மருத்துவமனையில் சிகிச்சை பெற்று வந்த நிலையில், நேற்று மதியம் சிகிச்சை பலனின்றி உயிரிழந்தார்.
மறைந்த கல்யாணி மேனனுக்கு திரையுலகினர் அஞ்சலி செலுத்தி வருகின்றனர். பல்வேறு தரப்பினரும் இரங்கல் தெரிவித்து வருகின்றனர். இன்று பிற்பகல் 2 மணி அளவில் சென்னை பெசண்ட் நகரில் உள்ள மயானத்தில் கல்யாணி மேனன் இறுதிச்சடங்கு நடைபெறுகிறது.
புற்றுநோய் செல்களை வேரருக்கும் டாப் 5 உணவுகள்! இனிமேல் தவிர்க்காதீங்க 20 மணி நேரம் முன்
