kathirikkai thuvayal : அசத்தல் சுவையில் கத்தரிக்காய் துவையல் - பண்ணலாமா?

athirikkai thuvayal recipe : பொதுவாகவே எல்லாக் காலங்களிலும் மலிவு விலையில் எளிதாகக் கிடைக்கக்கூடிய காய்கறிகளில் கத்தரிக்காய்க்கு தனி இடமுண்டு.விலை குறைவானது மட்டுமல்லாமல், ஏராளமான ஆரோக்கிய நன்மைகளையும் தன்னகத்தே கொண்டுள்ளது இந்தக் கத்தரிக்காய்.

கத்தரிக்காயில் உடலுக்குத் தேவையான பல்வேறு வைட்டமின்களும் ஊட்டச்சத்துக்களும் நிறைந்துள்ளன.குறிப்பாக, மூளையின் செயல்பாட்டை மேம்படுத்துவதில் இது முக்கியப் பங்காற்றுவதாகக் கூறப்படுகிறது.

அனிருத் திருமணத்தில் மாஸ் காட்டிய ரஜினி - நடன வீடியோ வைரல்!

அத்துடன், இரத்த ஓட்டத்தைச் சீராக்கவும், நரம்பு மண்டலத்தின் செயல்பாட்டிற்கு ஆதரவளிக்கவும், நினைவாற்றலை மேம்படுத்தவும் உதவும் ஊட்டச்சத்துக்களையும் கொண்டுள்ளது.மேலும், கத்தரிக்காயை உணவில் சேர்த்துக்கொள்வது உடலின் ஒட்டுமொத்த ஆரோக்கியத்திற்கும் நன்மை பயக்கும்.

குறிப்பாக, உடல் எடையைக் கட்டுக்குள் வைத்திருக்கப் போராடுபவர்களுக்கு இது சிறந்த உணவுத் தெரிவாக அமைகிறது. நார்ச்சத்து நிறைந்த கத்தரிக்காய், நீண்ட நேரம் வயிறு நிறைந்த உணர்வைத் தருவதுடன், உடல் எடையைச் சீராகப் பராமரிக்கவும் துணைபுரிகிறது.

தொப்பையைக் குறைத்து உடல் எடையைக் கட்டுக்குள் கொண்டுவர விரும்புபவர்களும் தங்களது உணவுப் பட்டியலில் கத்தரிக்காயைச் சேர்த்துக்கொள்ளலாம்.

இத்தனை ஆரோக்கிய நன்மைகளைக் கொண்ட கத்தரிக்காயை வழக்கமான சமையல் முறையில் மட்டுமல்லாமல், சற்று வித்தியாசமான முறையில் தயாரித்துச் சுவைத்துப் பார்க்கலாம்.

அந்தவகையில், அசத்தலான சுவையுடன், அனைவரும் விரும்பிச் சாப்பிடக்கூடிய கத்தரிக்காய் துவையலை  எப்படி எளிய முறையில் தயாரிக்கலாம் என இந்த பதிவில் பார்க்கலாம்.

தேவையான பொருட்கள்

கத்தரிக்காய் –500 கிராம் 

தண்ணீர் – ¼ கப்

வெள்ளை எள் – ¼ கப்

தேங்காய் எண்ணெய் – 1 ஸ்பூன்

பூண்டு – 4 பல் (பொடியாக நறுக்கியது)

வெங்காயம் – 1 கப் (பொடியாக நறுக்கியது)

நன்கு பழுத்த தக்காளி – 4 (பொடியாக நறுக்கியது)

நெய் – 1 ஸ்பூன்

வர மிளகாய் – 4

எலுமிச்சைச் சாறு – 1 தேக்கரண்டி

தாளிக்கத் தேவையானவை

நெய் – 1 ஸ்பூன்

கடுகு – ½ ஸ்பூன்

வர மிளகாய் – 2

செய்முறை

முதலில் கத்தரிக்காயை நன்றாகக் கழுவி, ¼ கப் தண்ணீர் சேர்த்து பிரஷர் குக்கரில் சுமார் 5 நிமிடங்கள் வேகவைக்கவும். பின்னர் அடுப்பை அணைத்துவிட்டு, பிரஷர் முழுவதுமாக இறங்கியதும் குக்கரைத் திறக்கவும்.

வேகவைத்த கத்தரிக்காயின் தோலை நீக்கிவிட்டு, சதைப்பகுதியை மட்டும் தனியாக எடுத்துக்கொள்ளவும். இதை மிக்ஸியில் தண்ணீர் சேர்க்காமல் நன்றாக மசிய அரைத்து வைத்துக்கொள்ளவும்.

அதனையடுத்து ஒரு பாத்திரத்தை அடுப்பில் வைத்து சூடானதும், வெள்ளை எள்ளைச் சேர்த்து மிதமான தீயில் பொன்னிறமாகும் வரையில் வறுத்துக்கொள்ள வேண்டும். பின்னர் ஆறவிட்டு, மிக்ஸியில் பொடியாக அரைத்து வைத்துக்கொள்ள வேண்டும். 

கிரீஸில் கோலாகலமாக நடைபெற்ற அனிருத் – காவ்யா மாறன் திருமணம் : புகைப்படங்கள் இதோ!

அதேபோல் ஒரு பாத்திரத்தில் தேங்காய் எண்ணெயை ஊற்றிச் சூடாக்கவும். அதில் பொடியாக நறுக்கிய வெங்காயம், பூண்டு மற்றும் தேவையான அளவு உப்பு சேர்த்து நன்றாக வதக்கிக்கொள்ள வேண்டும். 

வெங்காயம் லேசாகப் பொன்னிறமாக மாறியதும் நறுக்கிய தக்காளி மற்றும் இரண்டு வர மிளகாயைச் சேர்த்துக் கிளறிவிட்டு பாத்திரத்தை மூடி வைத்து, தக்காளி நன்கு வெந்து மசியும் வரை வேகவிட வேண்டும். 

இந்த நிலையில், அரைத்து வைத்துள்ள கத்தரிக்காய் விழுதையும் சேர்த்து நன்றாகக் கலக்கவும். சில நிமிடங்கள் மிதமான தீயில் வேகவிட்ட பிறகு, அரைத்து வைத்துள்ள எள் பொடியைச் சேர்த்துக் கிளறிவிட வேண்டும். 

அதனுடன் ஒரு ஸ்பூன் நெய் சேர்த்து நன்றாகக் கலந்து, சில நிமிடங்கள் வேகவிடவும். பின்னர் அடுப்பை அணைத்துவிட்டு, எலுமிச்சைச் சாற்றைச் சேர்த்து நன்றாகக் கலந்துவிட வேண்டும்.

இறுதியாக, ஒரு சிறிய பாத்திரத்தில் நெய் ஊற்றிச் சூடாக்கி, கடுகு மற்றும் இரண்டு வர மிளகாயைச் சேர்த்துத் தாளித்து,  இந்தத் தாளிப்பை கத்தரிக்காய் மசியலில் சேர்த்துக் கலந்துவிட்டால், அவ்வளவு தான சுவையான எள் கத்தரிக்காய் துவையல் தயார்.