லங்காசிறி FM
குழந்தைகளிடம் பெற்றோர்கள் பேசவே கூடாத வார்த்தைகள்: ஜாக்கிரதை
Manchu
பொதுவாக குழந்தைகள் அவர்களைச் சுற்றிலும் என்ன நடக்கின்றதோ அதனையே கற்றுக்கொண்டு செயல்பட ஆரம்பித்து விடுகின்றனர்.
வீட்டில் பெற்றோர்கள் பயன்படுத்தும் வார்த்தைகளில் இருந்தே அவை தொடங்கும் என்பதால், குழந்தைகள் முன்பு மிகவும் கவனமான வார்த்தைகளை பெற்றோர் பேச வேண்டும்.
எதிர்மறையான வார்த்தைகள், ஆபாச வார்த்தைகள் போன்றவற்றை முற்றும் முழுதாக தவிர்க்க வேண்டும். குழந்தைகளுக்கு எதனை செய்யக்கூடாது எதனை செய்ய வேண்டும் என்பதை முக்கியமாக கற்றுத்தர வேண்டும்.
எதிர்மறை வார்த்தைகள்:
குழந்தைகளை பெற்றோர்கள் கண்டிக்கும் விதமே பல தருணங்களில் எதிர்மறையாக சென்று விடுகின்றது. உதாரணமாக, 'கேமை இப்போதே நிறுத்து, ஓவர் சுறுசுறுப்பாக இருக்க, இதை செய்ய முட்டாளா நீ?...
தூங்குவதற்கு முன்பு கட்டாயம் கணக்கு வீட்டுப் பாடங்களை முடித்துவிட வேண்டும், இப்படி உட்காராதே, சாப்பிட்டால் மட்டுமே இனிப்பு கிடைக்கும்' இதுபோன்ற ஏராளமான வார்த்தைகள் அன்றாடம் பெற்றோர்கள் உபயோகப்படுத்துவத்தும் இவ்வாறான வார்த்தைகளே குழந்தைகளுக்கு எதிர்மறை எண்ணங்களை உருவாக்குமாம்.
பயன்படுத்த வேண்டிய வார்த்தைகள்:
மேலே குறிப்பிட்ட வார்த்தைகள் பேசும்போது எதிர்மறையான ஒலியுடன் இருக்கும். அதற்கு பதிலாக சொல்ல வேண்டியதை நேர்மறையான ஒலியுடன் இருக்கும் வார்த்தைகளை உபயோகப்படுதலாம்.
நீங்கள் சொல்லும் அணுகுமுறை, உங்கள் மீது அவர்களுக்கு மதிப்பு ஏற்படுத்துபவையாக இருக்கும். மேலும், அவர்களை கட்டுப்படுத்தும் வகையில் இருக்காது. தாங்கள் சுதந்திரமாக விளையாட வேண்டும் என நினைத்திருக்கும்போது, கட்டளையிட்டால் குழந்தைகள் உங்களின் வார்தைகளுக்கு எதிராக செயல்பட வேண்டும் என நினைப்பார்கள்.
கனிவுடன் கூறினால், நீங்கள் எதிர்பார்க்கும் அணுகுமுறை அவர்களிடமிருந்து கிடைக்கும். உதாரணமாக, ‘ இன்றைக்கு கேம் விளையாடியது போதும், நன்றாக உட்காருகிறீர்களா?, அதனை தொடுவது நன்றாக இருக்காது, நீங்கள் நன்றாக சாப்பிடுங்கள், உங்களுக்கு இனிப்பு காத்திருக்கிறது’ எனக் கூறலாம்.
இந்த வார்த்தைகள் ஒரே பொருள் உடையவையாக இருந்தாலும், அணுகுமுறையும் சொல்லும் விதமும் கனிவானதாக இருக்கும்.
சாபம் அல்லது ஆபாச சொற்களை தவிர்த்தல்:
குழந்தைகளின் நம்பிக்கையை பாதிக்கக்கூடிய சொற்களை ஒருபோதும் பெற்றோர்கள் பயன்படுத்தக்கூடாது. பெற்றோர்களுக்கு பெரிதாக தெரியாத வார்த்தைகள் குழந்தைகளுக்கு கடுமையான மன உளைச்சலைக் கொடுக்கும். தாழ்வு மனப்பான்மையை ஏற்படுத்தும்.
தவறான பாதைகளை பின்பற்றுவதற்கான வழிகளை தேடத் தொடங்குவார்கள். குழந்தை வளர்ப்பில் இது ஆபத்தானது என்பதால், மென்மையான, கனிவான வார்த்தைகள் மட்டுமே உபயோகிக்க வேண்டும்.
நல்ல செயல்களை பாராட்ட வேண்டும். தோல்விக்கு அரவணைத்து, ஊக்குவிக்க வேண்டும். உங்களுடைய ஊக்குவிப்பு சரியான திசையில் செல்ல வேண்டும் என்பதையும், முடிவெடுக்கும் திறனையும் குழந்தைகளுக்குள் வளர்க்கும்.
தெரிந்து கொள்ள வேண்டியவை:
நல்ல வார்த்தைகளை உபயோகப்படுத்துபவர்கள், எப்போதும் மகிழ்ச்சியாகவும், வாழ்க்கையை நேர்மறையாகவும் அணுகுவார்கள். அவர்களுடைய குழந்தைகளும் அப்படியே வளர்க்கப்படுவார்கள்.
இதனால் நல்ல நண்பர்கள் வட்டாரம் உருவாகும். எதிரிகள் இருக்க மாட்டார்கள். நேர்மை, அன்பு, பாசம் ஆகியவற்றை உங்கள் குழந்தைகளிடம் நீங்கள் காணமுடியும்.
நாம் நல்ல வார்த்தைகளை பயன்படுத்தினால் மரியாதைக்கு இழுக்கான எந்தவொரு செயலையும் அவர்கள் நிச்சயம் செய்ய மாட்டர்கள்.
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
