கெட்ட கொழுப்பை கரைத்து விரட்டும் சின்ன வெங்காய துவையல் - 2 நிமிடத்தில் செய்யலாம்
தினமும் சாப்பிடவேண்டிய காய்கறிகளில் சின்ன வெங்காயத்துக்குத்தான் முதல் இடம்.
ஆனால், உரிக்க சோம்பல்பட்டு பலரும் பெரிய வெங்காயத்தையே நாடுகின்றனர்.
உணவில் ருசியைக் கூட்டி, வாசனையைச் சேர்க்கும் சின்ன வெங்காயம் அதிக மருத்துவக் குணங்களைக்கொண்டது.
சின்ன வெங்காயத்தை 15 நாட்களுக்கு ஒருமுறை நெய் அல்லது எண்ணெயில் வதக்கி உணவுடன் சேர்த்து சாப்பிட்டு வந்தால் என்றும் இளமையுடன் இருக்கலாம்.
தினமும் ஒரு சின்ன வெங்காயத்தை சாப்பிட்டு வந்தால் உடலில் உள்ள இரத்த குழாயில் அடைக்கும் கொழுப்பை கரைத்து இதய நோய் வராமல் தடுக்கும். எடையும் கட்டுக்குள் இருக்கும்.
இன்று சின்ன வெங்காத்தில் புதினா சேர்த்து வெறும் இரண்டு நிமிடத்தில் துவையல் செய்வது எப்படி என்று பார்க்கலாம்.
தேவையான பொருட்கள்
- சின்ன வெங்காயம் - 50 கிராம்
- கறிவேப்பிலை - ஒரு கொத்து
- புதினா - ஒரு கைப்பிடி
- காய்ந்த மிளகாய் - 12
- கல் உப்பு - தேவையான அளவு
செய்முறை
புதினாவை நன்றாக கழுவி பொடியாக நறுக்கி கொள்ளவும். சின்ன வெங்காயத்தை தோலுரித்து நன்றாகக் கழுவிக்கொள்ளவும். ஒரு சிறிய பாத்திரத்தில் ஒரு கப் தண்ணீரைச் சூடாக்கவும்.
பின்னர் அதில் உரித்த சின்ன வெங்காயம், புதினா, கறிவேப்பலை, காய்ந்த மிளகாய் சேர்த்து, அடுப்பை மிதமான தீயில் வைத்து வேகவிடவும். வெங்காயம் லேசாக நிறம் மாறியதும் அடுப்பை அணைத்துவிடவும்.
வேக வைத்தவற்றை நன்கு ஆறவிடவும். மிச்கியில் கல் உப்பு, வேகவைத்த வெங்காய கலவையை போட்டு நன்கு அரைத்துக்கொள்ளவும். அரைத்த விழுதைச் சிறிய கிண்ணத்துக்கு மாற்றிக்கொள்ளவும்.
சத்தான சுவையான சின்ன வெங்காய புதினா துவையல் ரெடி.