லங்காசிறி FM
நடிகர் மோகன்லால் மருத்துவமனையில் திடீர் அனுமதி
DHUSHI
நடிகர் மோகன்லால் திடீரென மருத்துவமனையில் அனுமதிக்கப்பட்டுள்ளதாக இணையத்தில் தகவல் வெளியாகியுள்ளது.
மலையாள சினிமாவில் பிரபல நடிகராக இருப்பவர் தான் நடிகர் மோகன்லால்.
இவர் கடுமையான காய்ச்சல், மூச்சுத் திணறல் காரணமாக மருத்துவமனையில் அனுமதிக்கப்பட்டுள்ளார்.
இதனை தொடர்ந்து கொச்சியில் உள்ள தனியார் மருத்துவமனை நிர்வாகம் தொடர்ந்து ஐந்து நாட்களுக்கு மோகன்லாலை ஓய்வில் இருக்கும் படி அறிவுறுத்தியுள்ளது.
வெளியான அறிக்கை
இது தொடர்பாக அறிக்கை வெளியிட்டுள்ள மருத்துவமனை நிர்வாகம், “64 வயதாகும் மோகன்லாலுக்கு, கடுமையான காய்ச்சல், முச்சுத் திணறல் மற்றும் தசை வலி ஏற்பட்டுள்ளது. அவருக்கு சுவாச தொற்று ஏற்பட்டிருக்கலாம் என்று சந்தேகிக்கிறோம். ஐந்து நாட்கள் ஓய்வுடன் சிகிச்சை மேற்கொள்ளவும், பொது இடங்களுக்குச் செல்வதை தவிர்க்கவும் அறிவுறுத்தியுள்ளோம்” என்று தெரிவித்துள்ளது.
இந்த செய்தி சமூக வலைத்தளங்களில் வைரலாகி வருகின்றது.
இதனை பார்த்த மோகன்லால் ரசிகர்கள் பலரும் வாழ்த்துக்களை தெரிவித்து வருகின்றனர்.
“பர்ரோஸ்” என்ற படத்தின் இறுதிகட்ட பணிகளிலும் கவனம் செலுத்தி வரும் மோகன்லால் அண்மையில் குஜராத்திலிருந்து திரும்பிய போது உடல்நலக் குறைவு ஏற்பட்டுள்ளமை குறிப்பிடத்தக்கது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
