லங்காசிறி FM
வீட்டில் சாதம் மிஞ்சிட்டா? வைட்டமின் E அள்ளித்தரும் வெங்காய சாதம் செய்திருங்க
Pavi
காலையில் எப்போதும் மிக அவசர அவசரமாக நாம் எதாவது ஒரு உணவு செய்வது வழக்கமானது. ஆனால் பெரியவர்கள் முதல் குழந்தைகள் வரை அனைவருக்கும் பிடித்தமாதிரியான உணவு செய்வது அவசியமாகும்.
எப்போதும் சாதத்தை சாம்பார், ரசம், புளிக்குழம்பு என்பவற்றுடன் சாப்பிடும் போது நமக்கே சலிப்பு வரும். இப்படி சலிப்பு இல்லாமல் எப்படி சாதத்தை வைத்து வெங்காய சாதம் செய்யலாம் என்பதை இச்த பதிவில் பார்க்கலாம்.
தேவையான பொருட்கள்
- 3 கப் பாசுமதி அரிசி
- 200 கிராம் வறுத்த நிலக்கடலை
- 2 பெரிய வெங்காயம்
- 2 பல் பூண்டு
- 4 பச்சை மிளகாய்
- 2 டீஸ்பூன் கடலை
- பருப்பு சிறிதளவு
- மஞ்சள் தூள் தேவையான அளவு
- மிளகாய் தூள் 1 டீஸ்பூன்
- சீரகம் தேவையான அளவு
- கடுகு சிறிதளவு
- பெருங்காய தூள்
- தேவையான அளவு உப்பு
- சிறிதளவு புளி
- தேவையான அளவு கறிவேப்பிலை
- தேவையான அளவு கொத்தமல்லி
- தேவையான அளவு எண்ணெய்
தேவையான அளவு தண்ணீர்
முதலில் ஒரு பாத்திரத்தில் அரிசியை கழுவி ஒரு பாத்திரத்தில் எடுத்துக்கொள்ள வேண்டும். பின்னர் வெங்காயம், பச்சை மிளகாய், கொத்தமல்லியை பொடியாக நறுக்கவும். பூண்டை உரித்து வைத்துக் கொள்ளவும்.
ஒரு சிறு துண்டு புளியை பத்து நிமிடம் வரை தண்ணீரில் ஊற வைத்து கரைத்து வைத்துக் கொள்ளவும். பின்னர் உரு பாத்திரத்தை அடுப்பில் வைத்து தண்ணீர் ஊற்றி கொதிக்க வைக்கவும். தண்ணீர் நன்கு கொதித்ததும் அதில் ஒரு ஸ்பூன் எண்ணெய் சேர்க்கவும்.
அதில் சிறிதளவு உப்பை சேர்த்து ஊற வைத்து எடுத்த அரிசியை போட வேண்டும். அதனை வேக வைத்து எடுத்தக் கொள்ளவும். பின்னர் ஒரு கடாயில் சிறிதளவு எண்ணெய் ஊற்றி சூடானதும், அதில் கடுகு, சீரகம், கடலை பருப்பு, மற்றும் வேர்க்கடலையை போட்டு வேர்க்கடலை நன்கு பொன்னிறமாகும் வரை வறுக்கவும்.
அடுத்து அதில் வெங்காயம், கொத்தமல்லி, பூண்டை சேர்க்கவும். நன்றாக வதக்கவும். வதங்கிய பின் மஞ்சள் தூள், மிளகாய் தூள், பெருங்காயம், சிறிதளவு உப்பு, பச்சை மிளகாயை சேர்த்து அதை நன்கு கிளறவும். கறிவேப்பிலை, புளி தண்ணீரை சேர்த்து கிளறவும்.
பின்பு அதில் தண்ணீர் சேர்த்து அதை நன்கு கிளறி விட்டு ஒரு மூடி போட்டு சுமார் மூன்றி லிருந்து நான்கு நிமிடம் வரை வேக வைக்க வேண்டும். இதன் பின்னர் அதில் நாம் வேகவைத்து எடுத்து வைத்திருக்கும் பாசுமதி அரிசியை அதில் சேர்த்து பக்குவமாக சாதம் உடையாதவாரு சுமார் ரெண்டு நிமிடம் வரை அதை கிளறி விட வேண்டும்.
சிறிது நேரத்திற்க்கு பிறகு அடுப்பை அணைத்துவிட்டு அதில் நாம் நறுக்கி வைத்திருக்கும் கொத்தமல்லியை தூவி விட வேண்டும். இப்படி செய்து எடுத்தால் அருமையான வெங்காய சாதம் தயார்.
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
Kedah, Malaysia, சண்டிலிப்பாய், Cheam, United Kingdom
04 Aug, 2024
வட்டுக்கோட்டை, அராலி வடக்கு, யாழ்ப்பாணம், helsinki, Finland
20 Jul, 2025
