லங்காசிறி FM
நடிகர் மன்சூர் அலிகான் ஆபாச பேச்சு ...வெளுத்து வாங்கிய த்ரிஷாவுக்கு உரிமை குரல் எழுப்பிய லோகேஷ் கனகராஜ்
Vinoja
த்ரிஷா குறித்து சர்ச்சையான முறையில் கருத்து தெரிவித்த நடிகர் மன்சூர் அலிகானுக்கு இயக்குநர் லோகேஷ் கனகராஜ் கண்டனம் தெரிவித்துள்ளார்.
தமிழ் சினிமாவில் சர்ச்சைக்கு பஞ்சம் இல்லாத பிரபலமாக இருப்பவர் மன்சூர் அலிகான், இவரை பற்றி முன்னணி நடிகையான த்ரிஷா திடீர் என, சமூக வலைத்தளத்தில் போட்டுள்ள பதிவு ஒன்று தற்போது இணையத்தை ஆக்கிரமித்து வருகின்றது.
நடிகை த்ரிஷா
தமிழ் சினிமாவின் உச்சநட்சத்திரமாக இருப்பவர் நடிகை த்ரிஷா. சாமி, கில்லி, திருப்பாச்சி, மங்காத்தா, அரண்மனை 2, 96, பேட்ட என்று ஏராளமான மாஸ் படங்களில் நடித்துள்ளார்.
இவரது நடிப்பில் வந்த பொன்னியின் செல்வன் பார்ட் 1, குந்தவி கதாபாத்திரம் பட்டி தொட்டியெங்கும் பரவியைத் தொடர்ந்து புகழின் உச்சிக்கு சென்று கொண்டிருக்கிறார்.
மேலும், அடுத்தடுத்து படங்களில் நடிக்கும் வாய்ப்பும் வந்த வண்ணம் உள்ளது. சமீபத்தில் விஜய், அர்ஜூன், சஞ்சய் தத் ஆகியோருடன் இணைந்து நடித்த லியோ படம் வெளியானது.
வசூல் ரீதியாகவும், விமர்சன ரீதியாகவும் நல்ல வரவேற்பு பெற்ற இந்தப் படத்திற்கு சில வாரங்களுக்கு முன்பு சக்ஸஸ் மீட்டும் நடந்தது.
இந்நிலையில் நடிகர் மன்சூர் அலிகான் த்ரிஷா குறித்து சர்ச்சையான கருத்து ஒன்றை தெரிவித்துள்ளார்.
என்னதான், அவர் வில்லன் நடிகராக இருந்தாலும் அவரின் இந்த சர்ச்சைக்குரிய பேச்சுக்கு கோலிவுட்டிலிருந்து கடும் எதிர்ப்பு கிளம்பியுள்ளது.
குஷ்பு, ரோஜாவை கட்டிலில் தூக்கி போட்டு படுக்கையறை காட்சியில் நடித்தது போன்று லியோவில் த்ரிஷாவையும் அப்படியே அலேக்காக தூக்கி சென்று பெட்ரூமில் போட்டு நடிப்பேன் என்று நினைத்தேன்.
என்ன 150 படங்களில் பண்ணாத அட்டூழியமா? வில்லனாகவே போட மாட்டிங்கிறாங்க என்று இவர் பேசிய காணொளி த்ரிஷாவின் கவனத்திற்கு சென்றததையடுத்து த்ரிஷா தனது சமூக வலைதள பக்கத்தில் பதிவிட்டு இதற்கு கடும் எதிர்ப்பு தெரிவித்துள்ளார்.
இந்த பதிவில் த்ரிஷா குறிப்பிடுகையில், அவர் ஆசைப்படலாம். ஆனால் நான் அவரைப் போன்ற ஒருவருடன் திரையில் இடத்தைப் பகிர்ந்து கொள்ளாததற்கு நான் நன்றியுள்ளவனாக இருக்கிறேன்.
மேலும் என் திரையுலக வாழ்க்கையில் அது ஒருபோதும் நடக்காமல் பார்த்துக் கொள்கிறேன். இவரைப் போன்றவர்கள் மனித குலத்திற்கு கெட்ட பெயரை ஏற்படுத்துகிறார்கள் என்று கூறியிருந்தார்.
இவரைத் தொடர்ந்து லியோ இயக்குநர் லோகேஷ் கனகராஜூம் எதிர்ப்பு தெரிவித்துள்ளார். இது குறித்து அவர் கூறியிருப்பதாவது: நாங்கள் அனைவரும் ஒன்றாக பணிபுரிந்தோம் என்ற அடிப்படையில் த்ரிஷா குறித்து மன்சூர் அலிகான் பேசியது கேட்டு மனம் வேதனை அடைந்தேன்.கோபம் அடைந்தேன்.
பெண்கள், சக நடிகர்களுக்கான மரியாதை என்பது கட்டாயமான ஒன்றாக இருக்க வேண்டும் என்று கூறிய லோகேஷ் கனகராஜ், கண்டனம் தெரிவித்துள்ளார்.குறித்த விடயம் தற்போது இணையதளத்தில் காட்டு தீ போல் பரவிவருகின்றது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP இல் இணையுங்கள் JOIN NOW |
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
ஓட்டுமடம், புங்குடுதீவு 6ம் வட்டாரம், திருச்சி, India, Toronto, Canada
17 Apr, 2015
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
