லங்காசிறி FM
ஜெயம் ரவி- ஆர்த்தி விவாகரத்து வழக்கு- நீதிபதி கொடுத்த அறிவுரை- சேர்வார்களா?
DHUSHI
நடிகர் ஜெயம் ரவி தாக்கல் செய்த விவாகரத்து வழக்கில் சென்னை குடும்ப நல நீதிமன்றம் கொடுத்த அறிவுரை சமூக வலைத்தளங்களில் வைரலாக பேசப்பட்டு வருகின்றது.
ஜெயம் ரவி- ஆர்த்தி விவாகரத்து
தமிழ் சினிமாவில் இருக்கும் முன்னணி நடிகர்களில் ஒருவரான ஜெயம் ரவி, ஆர்த்தி என்ற பெண்ணை காதலித்து திருமணம் செய்து கொண்டார். இவர்களுக்கு இரண்டு மகன்களும் இருக்கிறார்கள்.
ஜெயம் ரவிக்கும் அவரின் காதல் மனைவி ஆர்த்திக்கும் இடையிலான கருத்து வேறுபாடு காரணமாக பிரியப்போவதாக முடிவெடுத்து சென்னை குடும்ப நல நீதிமன்றத்தில் விவாகரத்து வழக்கு தாக்கல் செய்துள்ளனர்.
இது தொடர்பாக இருவரது சமூக வலைத்தளப்பக்கங்களிலும் அறிக்கைகள் வெளியிடப்பட்டன.
நீதிமன்ற உத்தரவு
இந்த நிலையில், விவாகரத்து வழக்கு கடந்த மாதம் சென்னை மூன்றாவது குடும்ப நல நீதிமன்றத்தில் நீதிபதி தேன்மொழி முன் விசாரணைக்கு வந்தது.
அதில், ஜெயம் ரவி நேரில் ஆஜராகினார், அதே சமயம் ஆர்த்தி காணொளி காட்சி மூலமாக ஆஜராகி இருந்தார். இருதரப்பு வாதத்தையும் கேட்ட நீதீபதி, குடும்ப நல நீதிமன்ற சமரச தீர்வு மையத்தின் மூலம் இன்றைய தினம் சந்தித்து பேச வேண்டும் என கூறப்பட்டது.
இன்றைய தினம் ஜெயம் ரவி விவாகரத்து வழக்கு விசாரணைக்கு வந்த போது, ஜெயம் ரவி- ஆர்த்தி இருவரும் சென்னை குடும்ப நல நீதிமன்றத்தில் நேரில் ஆஜரானார்கள்.
சமரச பேச்சுவார்த்தை முடிவடையவில்லை என்று மத்தியஸ்தர் தரப்பில் விளக்கம் கொடுக்கப்பட்டதை தொடர்ந்து, இருவரும் மனம் விட்டு பேசுமாறு நீதிமன்றம் உத்தரவிட்டது. அதன் பின்னர் இருவரும் ஒரு மணி நேரத்திற்கும் மேலாக பேச்சுவார்த்தை நடத்தினார்கள்.
இதைத்தொடர்ந்து, இந்த வழக்கின் விசாரணையை ஜனவரி 18ஆம் தேதிக்கு தள்ளி வைத்து குடும்ப நல நீதிமன்றம் உத்தரவிட்டுள்ளது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
நாரந்தனை தெற்கு, Berlin, Germany, Castrop-Rauxel, Germany
17 Feb, 2026
