ஐபோன் 14 போன்றே ஆண்ட்ராய்டு போனிலும் டைனமிக் வசதி! உடனே பெற என்ன செய்ய வேண்டும்?
பயனாளர்கள் மிகவும் எதிர்பார்த்து காத்துகொண்டிருந்த ஆப்பிள் நிறுவனத்தின் ஐபோன் 14 மாடல் வெளியாகி இருந்தது. ஐபோன் 14-ல் சிறப்பு அம்சமாக ஐபோன்களின் நாட்ச் பகுதியில் மிகவும் வித்தியாசமான அம்சத்தை அறிமுகம் செய்து இருக்கிறது.
இந்த அம்சம் பல்வேறு விதமான அலெர்ட்கள், நோட்டிபிகேஷன் மற்றும் உரையாடல்களை வழங்குகிறது. இந்த அம்சத்திற்கு நல்ல வரவேற்பு கிடைத்த நிலையில், அடுத்து ஆண்ட்ராய்டு பயனர்கள் இதுபோன்ற அம்சத்தை நோக்கி காத்திருக்கின்றனர்.
இந்நிலையில், இதுபோன்ற அம்சத்தை ஆண்ட்ராய்டில் கொண்டு வர மிக எளிமையான வழிமுறை உள்ளதாம். இதற்கு பயனர்கள் தங்களின் ஸ்மார்ட்போனில் டைனமிக்-ஸ்பாட் (dynamicspot) எனும் செயலியை இன்ஸ்டால் செய்ய வேண்டும்.
ஜாவோமோ உருவாக்கி இருக்கும் இந்த செயலி ஆப்பிள் டைனமிக் ஐலேண்ட் போன்றே செயல்படும் வகையில் உருவாக்கப்பட்டு இருக்கிறது. இந்த செயலி தற்போது கூகுள் பிளே ஸ்டோரில் இலவசமாகவே கிடைக்கிறது.
ஆண்ட்ராய்டு சாதனத்தில் உள்ள நாட்ச் அளவுக்கு ஏற்ப ஐலேண்ட் அளவு மற்றும் எங்கு தோன்ற வேண்டும் என்ற விவரங்களை செட் செய்ய டைனமிக்-ஸ்பாட் வழி செய்கிறது.
இச்செயலியை பல விதங்களில் கஸ்டமைஸ் செய்து கொள்ளும் வசதியும் வழங்கப்பட்டு இருக்கிறது. ஸ் செய்து கொள்ளும் வசதியும் வழங்கப்பட்டு இருக்கிறது.
மேலும் எது போன்ற நோட்டிபிகேஷன்கள் திரையில் தோன்ற வேண்டும் என்பதை தீர்மானிக்க செய்கிறது. இந்த செயலியின் இலவச பதிப்பில் அம்சங்கள் கட்டுப்படுத்தப்பட்டு உள்ளன.
அதிக அம்சங்கள் நிறைந்த செயலியை பயன்படுத்த கட்டணம் வசூலிக்கப்படுகிறது. இதன் விலை 4.99 டாலர்கள் என நிர்ணயம் செய்யப்பட்டுள்ளன.