ரூ.25 லட்சம் வரை கடன் வழங்கும் அரசு: யாரெல்லாம் விண்ணப்பிக்கலாம்?

சிறு தொழில் தொடங்குவதற்கோ, ஏற்கனவே செய்யும் தொழிலைக் விரிவுபடுத்துவதற்கோ நிதியளிக்க, தமிழக அரசு முக்கியமான திட்டம் ஒன்றை செயல்படுத்தி வருகிறது.

“தனிநபர் கடன் திட்டம்” எனப்படும் இந்தத் திட்டம், தமிழக பிற்படுத்தப்பட்டோர் பொருளாதார மேம்பாட்டுக் கழகம் லிமிடெட் (TAABCEDCO) மூலம் வழங்கப்படுகிறது.

இந்தத் திட்டத்தின் கீழ், தனிநபர்களுக்கு ரூ.25 லட்சம் வரை கடன் வழங்கப்படுகிறது. பணமீட்பு காலம் மற்றும் தொகை அடிப்படையில் குறைந்த வட்டி விகிதத்தில் வழங்கப்படும் இந்த கடன், தொழில் செய்ய ஆர்வமுள்ள பலருக்கே பயனளிக்கக்கூடியது.

  கடன் தொகையும் வட்டி விவரமும்

• ரூ.1.25 லட்சம் வரை கடன் பெற்று 3 ஆண்டுகளில் திருப்பி செலுத்தினால், 7% வட்டி.
• ரூ.15 லட்சம் முதல் ரூ.25 லட்சம் வரை கடன் பெற்று 6 ஆண்டுகளில் திருப்பி செலுத்தினால், 8% வட்டி.
• இந்தக் கடன், மத்திய அரசின் 85% நிதி, மாநில அரசின் 10% நிதி, மற்றும் பயனாளியின் பங்களிப்பாக செயல்படுகிறது.

உலகின் மிக விலையுயர்ந்த 10 மொபைல் போன்கள்... என்னென்ன தெரியுமா?

தகுதி பெற வேண்டிய நிபந்தனைகள்

• விண்ணப்பதாரர் பிற்படுத்தப்பட்டோர், மிகப்பிற்படுத்தப்பட்டோர், அல்லது சீர்மரபினர் ஆகிய குழுவினராவதுஅவசியம்.
• ஆண்டு குடும்ப வருமானம் ரூ.3 லட்சத்திற்குள் இருக்க வேண்டும்.
• வயது வரம்பு: 18 முதல் 60 வயது வரை.
• ஒரே குடும்பத்தில் ஒருவருக்கு மட்டும் இந்தக் கடனுக்கு விண்ணப்பிக்கலாம்.  

விண்ணப்பிக்கும் முறை - விண்ணப்பதாரர்கள் கீழ்கண்ட இடங்களில் விண்ணப்பிக்கலாம்

• மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் அலுவலகம்
• TAABCEDCO அதிகாரப்பூர்வ இணையதளம்: www.tabcedco.tn.gov.in
• கூட்டுறவு சங்கங்களின் மண்டல இணைப்பதிவாளர் அலுவலகங்கள்
• மாவட்ட, மத்திய மற்றும் நகர கூட்டுறவு வங்கிகள் கூட்டுறவு கடன் சங்கங்கள்  

வீட்டில் தோட்டம் இல்லையா? கவலை வேண்டாம்... இந்த காய்கறிகளை வளர்க்கலாம்

தேவையான ஆவணங்கள்

• சாதி, வருமானம் மற்றும் பிறப்பிடச் சான்றிதழ்கள்
• தொழில் தொடங்கத் தேவையான திட்ட அறிக்கை
• ரூ.5 லட்சத்துக்கும் மேற்பட்ட கடனுக்கு – உரிய நிறுவனத்திடமிருந்து விலைப்பட்டியல்
• ஆதார் அட்டை, குடும்ப அட்டை, ஓட்டுநர் உரிமம் (ஐடியென்டிட்டி ஆதாரமாக)
• வங்கிக்கு அடமானமாக வழங்க வேண்டிய சொத்து ஆவணங்கள்

ஆண் மற்றும் பெண் இருவரும் இந்தத் திட்டத்திற்கு சமமாக விண்ணப்பிக்கலாம். தொழிலுக்கு நிதி தேவைப்படும் நேரத்தில், அரசு வழங்கும் இத்தகைய திட்டம் பலருக்கும் மாற்றுத்திறனான வாய்ப்புகளை உருவாக்கும்.