லங்காசிறி FM
நடிகர் வடிவேலு தடை விவகாரம்.... மீண்டும் சினிமாவுக்கு வர தீர்வு ஏற்பட்டது எப்படி?
Rooban
தமிழ் சினிமாவில் நகைச்சுவை நாயகன் வடிவேலு 1991ம் ஆண்டு வெளிவந்த 'என் ராசாவின் மனசிலே' படம் மூலம் சினிமாவில் சிறிய வேடத்தில் அறிமுகமாகி படிப்படியாக உயர்ந்து நம்பர் 1 நகைச்சுவை நடிகர் என்ற இடத்தைப் பிடித்தார்.
அதுவரை காமெடிகளில் கலக்கி கொண்டிருந்த வடிவேலு 2011ம் ஆண்டு நடைபெற்ற சட்டமன்றத் தேர்தலில் திமுகவுக்கு ஆதரவாக தேர்தல் பிரச்சாரம் செய்தார்.
ஆனால், அப்போதைய தேர்தலில் அதிமுக வெற்றி பெற்று ஆட்சியைப் பிடித்தது. அதன்பின் வடிவேலுவை தங்கள் படங்களில் நடிக்க வைக்க தயாரிப்பாளர்களும், இயக்குனர்களும் தயங்கினார்கள். பின்னர், 2016ம் ஆண்டு நடைபெற்ற தேர்தலில் எந்தப் பிரச்சாரமும் செய்யாமல் அமைதி காத்தார் வடிவேலு.
கடந்த பத்து வருடங்களில் வடிவேலு நகைச்சுவைக் கதாபாத்திரத்தில் நடித்து ஐந்தே ஐந்து திரைப்படங்களும், நாயகனாக நடித்து 'தெனாலிராமன், எலி' ஆகிய படங்களும் மட்டுமே வெளிவந்தன. கடைசியாக 2017ம் ஆண்டு வெளிவந்த 'மெர்சல்' படத்தில்தான் வடிவேலு நடித்தார்.
இதையடுத்து, ஷங்கர் தயாரிப்பில், சிம்புதேவன் இயக்கி, வடிவேல் நடித்த ‘இம்சை அரசன் 23-ம் புலிகேசி’ படம் மிகப்பெரிய வெற்றி பெற்றது. அதைத்தொடர்ந்து அந்த படத்தின் இரண்டாம் பாகத்தை தயாரிக்க ஷங்கர் முன்வந்தார். கதாநாயகனாக வடிவேல் ஒப்பந்தம் செய்யப்பட்டார். அப்போது, அவருக்கு சம்பளமாக ரூ.12 கோடி பேசப்பட்டதாகவும், அதற்கு ‘அட்வான்ஸ்’ ஆக ரூ.5 கோடி கொடுக்கப்பட்டதாகவும் தெரிகிறது.
திடீரென அந்த படத்தில் இருந்து வடிவேல் நடிக்க மறுத்து விலகினார். இதுபற்றி தமிழ் திரைப்பட தயாரிப்பாளர்கள் சங்கத்தில் ஷங்கர் புகார் செய்தார். இதனால் வடிவேல் புதிய படங்களில் நடிப்பதற்கு தடை விதிக்கப்பட்டது.
மேலும், இந்த விவகாரத்தில் தற்போது தீர்வு ஏற்பட்டுள்ளது. வடிவேல் வாங்கிய ‘அட்வான்ஸ்’ தொகை ரூ.5 கோடியை ஷங்கரிடம் திருப்பிக் கொடுக்கும்படி, பஞ்சாயத்தில் தீர்ப்பு கூறப்பட்டது.
வடிவேல் கொடுக்க வேண்டிய ரூ.5 கோடியை அவரை வைத்து படம் தயாரிக்கும் ஒரு பட நிறுவனம், ஷங்கரிடம் திருப்பி கொடுத்ததால் பிரச்சினையில் சமரசம் ஏற்பட்டு சுமுகமாக முடிந்ததாக கூறப்படுகிறது. இனிமேல் வடிவேல் நடிக்க தடை எதுவும் இல்லை எனவும் ரசிகர்கள் இதனால் கொண்டாட்டத்தில் உள்ளனர்,.
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025
புங்குடுதீவு 4ம் வட்டாரம், ஊர்காவற்துறை, பரிஸ், France
04 Mar, 2025
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
முள்ளியவளை, சுவிஸ், Switzerland, Scarborough, Canada, Toronto, Canada
01 Apr, 2020
