ஒருமுறை வெஜிடபிள் கட்லெட் இப்படி செய்து பாருங்க... சுவை வேறலெவல்ல இருக்கும்

சிறியவர் முதல் பெரியவர்கள் வரை அனைவரும் விரும்பி சாப்பிடும் கட்லெட் எவ்வாறு செய்யலாம் என்பதை இந்த பதிவில் தெரிந்து கொள்வோம்.

அசைவ பிரியர்கள் பெரும்பாலும் காய்கறிகளை தான் விரும்பி சாப்பிடுவார்கள். அந்த வகையில் வெறும் காய்களை வைத்து சுவையான கட்லெட் செய்து அசத்தலாம்.

இதனை பெரியவர்கள் முதல் சிறியவர்கள் வரை அனைவருக்கும் பிடித்த மாதிரி எவ்வாறு செய்யலாம் என்பதை இந்த பதிவில் தெரிந்து கொள்வோம்.

தேவையான பொருட்கள்

பெரிய கேரட் - 1 (பொடியாக நறுக்கியது)
பெரிய உருளைக்கிழங்கு - 2 (வேகவைத்தது)
பீன்ஸ் - 10 (பொடியாக நறுக்கியது)
பெரிய வெங்காயம் - 1 (பொடியாக நறுக்கியது)
பச்சை மிளகாய் - 2 (பொடியாக நறுக்கியது)
இஞ்சி பூண்டு விழுது - 1 டேபிள் ஸ்பூன்
மஞ்சள் தூள் - 1 டீஸ்பூன்
மிளகாய் தூள் - 1 டீஸ்பூன்
கரம் மசாலா தூள் - 1 டீஸ்பூன்
தக்காளி கெட்ச்அப் - 1 டேபிள் ஸ்பூன்
பிரெட் கிரம்ப்ஸ் - 1/2 கப்
கொத்தமல்லி இலைகள் - 3 டேபிள் ஸ்பூன் (பொடியாக நறுக்கியது)
எண்ணெய் - 1 டேபிள் ஸ்பூன்
உப்பு - தேவையான அளவு

பொரிப்பதற்கு

மைதா மாவு - 1/4 கப்
பிரெட் கிரம்ப்ஸ் - 2 கப்
எண்ணெய்

செய்முறை

முதலில் கடாய் ஒன்றினை அடுப்பில் வைத்து அதில் எண்ணெய் சேர்த்து, பெரியவெங்காயம், பச்சை மிளகாய் மற்றும் இஞ்சி பூண்டு விழுது சேர்த்து வதக்கவும்.

இதனுடன் மஞ்சள் தூள் சேர்த்து நன்றாக கலந்துவிட்டு, உருளைக்கிழங்கு தவிர மற்ற காய்கறிகளை சேர்த்து வதக்கவும்.

சிறிதளவு உப்பு மற்றும் தண்ணீர் சேர்த்து 4 நிமிடங்கள் வரை காய்கறியை வேகவிடவும். பின்பு மிளகாய் தூள் சேர்த்து நன்றாக மசித்து வைத்த உருளைக்கிழங்கு, கெட்சப், பிரெட் க்ரம்ப்ஸ் மற்றும் சிறிதளது உப்பு சேர்த்து நன்றாக கலந்துவிடவும்.

கடைசியாக கொத்தமல்லி இலை மற்றும் கரம் மசாலா தூள் சேர்த்து நன்றாக கலந்து அடுப்பை அணைத்துவிட்டு ஆற வைக்கவும்.

இதனை சிறு உருண்டையாக உருட்டி தட்டில் தனியாக வைக்கவும். பாத்திரம் ஒன்றில் மைதா மாவைப் போட்டு தண்ணீர் கலந்து வைக்கவும். மற்றொரு பாத்திரத்தில் பிரெட் கிரம்ப்ஸை எடுத்து வைத்துக் கொள்ளவும்.

சுவையான மட்டன் குருமா இப்படி செஞ்சு பாருங்க..இட்லி தோசைக்கு சூப்பரா இருக்கும்.

அடுப்பில் கடாயை வைத்து கட்லெட் பொரிப்பதற்கு தேவையான எண்ணெய் சேர்த்து சூடாக்கி கொள்ளவும். பின்பு கட்லெட்டை மைதா மாவில் நனைத்து பிரட் தூளில் பிரட்டி எடுத்து எண்ணெய்யில் போட்டு பொரித்து எடுத்தால் சுவையான வெஜிடபிள் கட்லெட் தயார்.

அதுவே சிக்கன் கட்லெட் என்றால் சிக்கன் சேர்த்துக் கொண்டால் சிக்கன் கட்லெட் தயார்.