Coriander Chutney: நாவூரும் சுவையில் கொத்தமல்லி சட்னி

பொதுவாக பெரும்பாலாக வீடுகளில்  இட்லி, தோசைக்கு   கார சட்னி, தேங்காய் சட்னி அதோடு ஒன்றாக கொத்தமல்லி சட்னி தினந்தோறும் கண்டிப்பாக இருக்கும்.

Restaurant பாணியில் கொண்டைக்கடலை குருமா... இப்படி செய்தா கொஞ்சமும் மிஞ்சாது!

அந்த கொத்தமல்லி சட்னியை சற்று வித்தியாசமான முறையில் அட்டகாசமான சுவையில் எப்படி செய்யலாம் என இந்த பதிவில் பார்க்கலாம். 

தேவையான பொருட்கள்

எண்ணெய் - 2 தே.கரண்டி 

உளுத்தம் பருப்பு - 2 மேசைக்கரண்டி

கடலைப்பருப்பு - 1 மேசைக்கரண்டி

வரமிளகாய் - 4

பச்சை மிளகாய் - 3 

சின்ன வெங்காயம் - 10 

இஞ்சி - 1 1/2 இன்ச் 

உப்பு - 1 தே.கரண்டி 

கொத்தமல்லி - 2 கட்டு

புதினா - 1/2 கைப்பிடி 

புளி - 1 பெரிய நெல்லிக்காய் அளவு 

மஞ்சள் தூள் - 1/4 தே.கரண்டி 

தேங்காய் - 1/2 மூடி (துருவியது)

தாளிப்பதற்கு தேவையானது 

எண்ணெய் - 2 தே.கரண்டி

கடுகு - 1/2 தே.கரண்டி

உளுத்தம் பருப்பு - 1 தே.கரண்டி

வரமிளகாய் - 1

கறிவேப்பிலை - 1 கொத்து

செய்முறை

முதலில் ஒரு பாத்திரத்தை அடுப்பில் வைத்து, அதில் எண்ணெய் ஊற்றி சூடானதும், உளுத்தம் பருப்பு, கடலைப் பருப்பு சேர்த்து பொன்னிறமாக வறுக்க வேண்டும்.

அதனையடுத்து, வரமிளகாய் சேர்த்து வறுத்து, ஒரு தட்டில் அவற்றை எடுத்து வைத்துக் கொள்ள வேண்டும். பின்னர் அதில் பச்சை மிளகாய் சேர்த்து நிறம் மாறம் வரையில் வதக்கிய பின்னர் ,சின்ன வெங்காயம், இஞ்சி மற்றும் உப்பு சேர்த்து நன்றாக வதக்கிக்கொள்ள வேண்டும். 

பின்னர் அதனுடன் சுத்தம் செய்த 2 கட்டு கொத்தமல்லி மற்றும் 1/2 கைப்பிடி புதினாவை சேர்த்து, சுருங்கும் வரையில்  வதக்கி, அதில் புளி மற்றும் மஞ்சள் தூள் சேர்த்து கிளறிவி்ட்டு இறக்கி ஆறவிட வேண்டும். 

அதனையடுத்து துருவிய தேங்காயை சேர்த்து 2 நிமிடங்கள் வரையில் வதக்கி இறக்கி குளிரவிட வேண்டும்.அதனையடுத்து ஒரு மிக்சர் ஜாரில் வறுத்த கடலை பருப்பு மற்றும் உளுத்தம் பருப்பு, வரமிளகாய் ஆகியவற்றை சேர்த்து அரைத்துக் நன்கு அரைத்து எடுத்துக்கொள்ள வேண்டும். 

பின்பு அதில் வதக்கி வைத்துள்ள மீதமுள்ள பொருட்களையும் சேர்த்து நன்றாக அரைத்துக் கொள்ள வேண்டும்.  பின்னர் அரைத்த சட்னியை ஒரு கிண்ணத்தில் எடுத்து, சிறிது நீரை ஜாரில் ஊற்றி அலசி, சட்னியுடன் சேர்த்து நன்கு கலந்துக்கொள்ள வேண்டும். 

கடைசியாக ஒரு பாத்திரத்தை அடுப்பில் வைத்து, அதில் எண்ணெய் ஊற்றி சூடானதும், கடுகு, உளுத்தம் பருப்பு, கறிவேப்பிலை, வரமிளகாய் ஆகியவற்றை சேர்த்து தாளித்து, சட்னியுடன் சேர்த்து கிளறினால், அவ்வளவு தான் அட்டகாசமான சுவையில் கொத்தமல்லி சட்னி தயார். 

ரத்த சோகையை கட்டுப்படுத்தும் மரவள்ளிகிழங்கு அடை... இப்படி ஒரு முறை செய்து பாருங்க