முட்டையால் வடிவமைக்கப்படும் சுவர்.. பிரமிக்க வைக்கும் கட்டிடக்கலை- செட்டிநாடு சிறப்பு

சுண்ணாம்புக்கலவை, கருப்பட்டி, சுடுக்காய்களை செக்கில் அரைத்து முட்டை வெள்ளைக்கரு கலந்த கலவையை கொண்டு செட்டிநாடு வீடுகளின் சுவர் கட்டப்பட்டுள்ளதாக கூறப்படுகின்றது.

தமிழகத்தின் பாரம்பரியக் கட்டிடக் கலையை பறைசாற்றும் செட்டிநாடு வீடுகள் பல தலைமுறைகளைக் கடந்து நிற்கிறது.

பாரம்பரியம் மாறாத கட்டிடக்கலைக்கு முன்னோடியாக இருக்கும் சிவகங்கை மாவட்டத்தில் கம்பீரமும், கலை நயமும் கொண்ட மாளிகைகள் அதிகம் உள்ளன.

சர்வதேச தரத்தில் ஆயிரக்கணக்கான பழமை மாறாத வீடுகள் இன்றும் சுற்றுலா பயணிகளின் கண்களை அலங்கரிக்கின்றன.

இது தொடர்பான மேலதிக தகவல்களை தொடர்ந்து பதிவில் பார்க்கலாம்.    

கட்டிடக் கலை

சிவகங்கை மாவட்டத்தில் காரைக்குடி பகுதியில் உள்ள நகரத்தார் சமூகத்தினர் வசிக்கின்ற சுமாரான 96 ஊர்களையும் செட்டுநாடு என அழைக்கிறார்கள். சிறிய அரண்மனை 40 அடி அகலம், 120 அடி நீளத்திலும், மிகப்பெரிய அரண்மனை 60 அடி அகலம், 200 அடி நீள இடத்தில் கலைநயத்துடன் வடிவமைக்கப்பட்டுள்ளது.

இந்த மாளிகைகள் அலங்கார விளக்குகள், தேக்கு மரச்சாமான்கள், பளிங்குக்கல், கண்ணாடிகள், கம்பளங்கள் மற்றும் படிகங்களாலும் அலங்கரிக்கப்பட்டுள்ளன.

செட்டிநாடு வீடுகளின் கட்டிடக் கலை உலகப் புகழ்பெற்றவையாக பார்க்கப்படுகின்றது. இந்த வீடுகளில் முப்பது அறைகள் வரை இருக்கும் எனவும் கூறப்படுகின்றது. 

ஆயிரம் ஜன்னல் வீடு

சுண்ணாம்புக்கலவை, கருப்பட்டி, சுடுக்காய்களை செக்கில் அரைத்து முட்டை வெள்ளைக்கரு கலந்த கலவையை பயன்படுத்தி சுவர்கள் கட்டியுள்ளனர்.

தேக்குமரத்தால் செய்யப்பட்ட பெரிய பெரிய கதவுகள், மர பீரோக்கள், பிரமாண்டமான இரும்புப் பெட்டகங்கள், நாற்காலிகள், ஊஞ்சல் என மரவேலைப்பாடு நிறைந்த பொருள்கள் ஆகிய இந்த வீடுகளுக்கு அழகு சேர்க்கின்றன.

ஆயிரம் ஜன்னல்கள் கொண்ட வீடுகளும் இங்கு உள்ளதாக கூறப்படுபடுகின்றது. ஒரு அறை முழுவதும் கண்ணாடிகளால் பதிக்கப்பட்ட வீடுகளும் அப்பகுதியில் உள்ளன.            

கலைநயம் மிக்க வீடுகள்

சினிமாவில் ஒரு சில பிரமாண்டமான வீடுகளை பார்த்திருப்போம். அந்த வீட்டில் பாட்டி, தாத்தா,பெரியம்மா, பெரியப்பா, அத்தை, மாமா எனக் கூட்டு குடும்பமாக வாழ்வதை காட்டியிருப்பார்கள்.

இப்படி சினிமாவில் குடும்பக்கதைகளுக்கு பயன்படுத்தப்படும் வீடுகள் காரைக்குடி செட்டியார்களின் கலையம்சத்துடன் கட்டப்படும் வீடுகள் தான்.

இந்த வீடுகளுக்கு பச்சை, மஞ்சள், சிவப்பு போன்ற வர்ணங்களில் நிறமூட்டப்பட்டிருக்கும்.  

ஆத்தங்குடி டைல்கள்

செட்டிநாடு வீடுகள் பெரும்பாலும் தரைமட்டத்தில் இருந்து ஐந்து அடிக்கும் மேல் உயரத்தில் தான் கட்டப்பட்டிருக்கும். இந்த வீடுகள் முழுவதும் பர்மா தேக்கு, மாடங்கள், அறைகள், தூண்கள், ஜன்னல்கள், கதவுகள் என அனைத்தும் கலைநயத்துடன் அமைத்திருப்பார்கள்.

செட்டிநாட்டு வீடுகள் ஆத்தங்குடி டைல்களில் கட்டப்பட்டிருக்கும். தற்போது பெரும்பாலான வீடுகள் இந்த டைல்களில் தான் கட்டப்படுகின்றன. இதில் வரும் கண்ணாடிகளை இயற்கை வண்ணங்களை பயன்படுத்தியிருப்பார்கள்.