குறைந்த செலவில் வெளிநாட்டு சுற்றுலா செல்ல விருப்பமா?

நவம்பர் டிசம்பர் மாதங்களில் இந்தியாவில் அதிக எண்ணிக்கையிலானவர்கள் வெளிநாட்டு சுற்றுலாப் பயணங்களை மேற்கொள்வது வழமையானது.

இரண்டாண்டு கால முடக்க நிலை காரணமாக முடங்கிப் போயிருந்த சுற்றுலாப் பயணிகள் புதிய இடங்களில் புது அனுபவங்களை பெற்றுக் கொள்ள ஆர்வம் காட்டி வருகின்றனர்.

வெளிநாட்டு சுற்றுலாப் பயணங்கள் செலவு மிக்கதாகவே காணப்படும்.

ஆனால் குறைந்த செலவில் திருப்திகரமாக வெளிநாட்டு சுற்றுலாப் பயணங்கள் மேற்கொள்ளலாம், அதுபற்றி தெரிந்து கொள்வோம்.

மொரிஷீயஸ் தீவுகள்

இந்து சமுத்திரத்தின் மத்தியில் அமைந்துள்ள மொரிஷியஸ் தீவுகள் அழகிய அமைதியான கடற்கரைகளை கொண்டமைந்துள்ளது.

பச்சை மலைகள், வெள்ளை கடற்கரைகள், பசுமையான காடுகள் என இயற்கை கோலங்கள் நிரம்ப பெற்ற நாடாக மொரிஷீயஸ் தீவுகள் காணப்படுகின்றது.

அட்வன்சர் விளையாட்டுக்கள், மலைஏறுதல் உள்ளிட்ட பல செயற்பாடுகளை மேற்கொள்ள முடியும்.

இந்தோனேசியா

இந்தோனேசியாவில சுற்றுலாப் பயணிகளை கவரக்கூடிய பல இடங்கள் காணப்படுகின்றன. ஒரு பக்கம் கடற்கரைகள் மறுபக்கம் மலைப் பகுதிகள் என அமையப்பெற்றுள்ளது.

அழகிய கோயில்களைப் போன்றே இரவு நேர கேளிக்கை விடுதிகளுக்கும் இங்கு பஞ்சமில்லை.

மசாஜ் பார்லர்கள் மற்றும் ஸ்பாக்கள் அதிக எண்ணிக்கையில் காணப்படுகின்றன.

ஆண், பெண் பால்நிலை அல்லது வயது வித்தியாசம் இன்றி அனைவரும் மகிழ்வதற்கு இங்கு சந்தர்ப்பம் உண்டு.

புதிய அனுபவங்களை பெற்றுக்கொள்ள விரும்பும் நபர்கள் இந்தோனசியாவிற்கு சுற்றுப் பயணம் மேற்கொள்ள முடியும்.

சிங்கப்பூர்

சிறிய தீவு என்றாலும் சுற்றுலாப் பயணிகளின் அனைத்து தேவைகளையும் பூர்த்தி செய்யக்கூடிய ஓர் நாடாக சிங்கப்பூர் காணப்படுகின்றது.

பசுமையானதும், பாதுகாப்பானதுமான சூழல், கலாச்சார பல்வகைமை, சுவையான உணவு, சிறந்த ஷொப்பிங் மோல்கள், இலத்திரனியல் உபகரணங்கள், இரவு களியாட்டம் போன்றவற்றுடன் வசதியான போக்குவரத்து என்பனவும் சிங்கப்பூரில் காணப்படுகின்றது.

தாய்லாந்து

கவர்ச்சிகரமான இரவு வாழ்க்கை, ஷொப்பிங் செய்தல், பௌத்த ஆலயங்கள், திகைப்பூட்டும் கடற்கரைகள் எனபனவற்றை கொண்டமைந்த சுற்றுலாபுரியாக தாய்லாந்து அமைந்துள்ளது.

நவம்பர், டிசம்பர் காலப் பகுதி சிறந்த சுற்றுலா காலப் பகுதியாக அமைந்துள்ளது.

இலங்கை

நவம்பர், டிசம்பர் மாதங்களில் சுற்றுலா மேற்கொள்ளக்கூடிய மிகச் சிறந்த சுற்றுலா நாடுகளில் ஒன்றாக இலங்கை காணப்படுகின்றது.

மதி மயக்கும் கடற்கரைகள், கவர்ச்சிகரமான நகரங்கள், வரலாற்று பிரசித்திபெற்ற இடங்கள், மலைப் பகுதி, அற்புதமான கடல் உணவு என விசேட அம்சங்களை அடிக்கிக்கொண்டே போகலாம்.

கொழும்பு, நீர்கொழும்பு ஆகிய நகரங்கள் நகர வாழ்க்கையை பிரதிபலிக்கும் வகையிலான சுற்றுலா மையங்களாக வகைப்படுத்த முடியும்.

குளிர்ச்சியான, தேயிலை தோட்டங்கள் மற்றும் நீர்வீழ்ச்சிகளை கொண்டமைந்த நகரங்களை பார்க்க வேண்டுமாயின் கண்டி, நுவரெலியா ஆகியனவற்றுக்கு நீங்கள் பயணம் செய்ய முடியும்.

David Blacker for The New York Times