குப்பையில் கொட்டப்படும் 93 கோடி டன் உணவு! வாய்ப்பிளக்க வைக்கும் ஐநா சபையின் ஆய்வுறிக்கை
உணவு வீணாக்கப்படுவது குறித்து ஐநா சபையின் ஆய்வுறிக்கை ஒன்றினை வெளியிட்டுள்ளது.
அதில் ஒவ்வொரு தனி நபரும் சராசரியாக ஆண்டுக்கு 50 கிலோ எடையுடைய உணவை வீணாக்குவதாக தெரிவித்துள்ளது.
உலக அளவில் மொத்தம் 93 கோடியே 10 லட்சம் டன் உணவு வீணடிக்கப்படுகிறதாம். இதில் பெரும்பாலான உணவு வீடுகளில் வீணாக்கப்படும் உணவுகளே.
உலகம் முழுவதிலுமாக மொத்தம் 17 சதவீத உணவு யாருக்கும் பயனின்றி வீணாவதாக தெரிவிக்கப்பட்டுள்ளது.
2019 ஆம் ஆண்டில் 931 மில்லியன் டன் உணவு வீணாக்கப்பட்டுள்ளன. சுமார் 3 பில்லியன் மக்கள் ஒரு வேளை உணவு கூட கிடைக்காமல் பட்டினியால் இறக்க நேருடுகிறது.
இந்நிலையில் அமெரிக்காவில் ஒரு வீடானது ஆண்டுக்கு சராசரியாக 59 கிலோ உணவை வீணடிக்கிறதாம். சீனாவில் ஒரு வீட்டில் ஆண்டுக்கு சராசரியாக 64 கிலோ உணவை வீணடிக்கிறார்கள் என்ற அதிர்ச்சி தகவலும் வெளியாகியுள்ளது.
மேலும் மக்களுக்கு இது குறித்த விழிப்புணர்வை ஏற்படுத்த வேண்டும் என்றும் இனிமேல் இது போன்று உணவு வீணாக்கபடுவதைக் கட்டுப்படுத்த வேண்டும் என்றும் ஐநா உணவு பாதுக்காப்பு திட்ட அறிக்கையில் சுட்டிக்காட்டியுள்ளது.