லங்காசிறி FM
EURO 2020: கொரோனாவால் பாதிக்கப்பட்ட நட்சத்திர வீரர்!
ஸ்காட்லாந்து நட்சத்திர வீரர் பில்லி கில்மோர் கோவிட் -19 தொற்றால் பாதிக்கப்பட்டுள்ளது உறுதிசெய்யப்பட்டுள்ளது.
வெள்ளிக்கிழமையன்று இங்கிலாந்து அணிக்கு எதிராக 76 நிமிடங்கள் களத்தில் விளையாடி தனது அணிக்கு புள்ளிகளை சேர்த்தவர் பில்லி கில்மோர் (20). இந்த போட்டியில் அவர் ஆட்ட நாயகன் பட்டத்தையும் பெற்றார்.
இந்த நிலையில் ஸ்காட்லாந்தின் இளம் நட்சத்திர ஆட்டக்காரண பில்லி கில்மோர் கொரோனா தொற்றால் பாதிக்கப்பட்டுள்ளார் எனும் அதிர்ச்சியூட்டும் தகவல் வெளியாகியுள்ளது.
செல்சியா கால்பந்து கிளப்பின் மிட்பீல்டரான ஸ்காட்டிஷ் கால்பந்து வீரர் பில்லி கில்மோர் (Billy Gilmour) கோவிட் -19 தோற்றால் பாதிக்கப்பட்டதன் காரணமாக இன்றுமுதல் 10 நாட்களுக்கு தனிமைப்படுத்தப்பட்டுள்ளார்.
இதனால் செவ்வாயன்று (உள்ளூர் நேரப்படி) குரோஷியாவுக்கு எதிரான முக்கியமான யூரோ 2020 இறுதி குழு டி (Group D) ஆட்டத்தை தவறவிடுவார். (Croatia vs. Scotland)
இதுகுறித்து ஸ்காட்லாந்து FA வெளியிட்டுள்ள அறிக்கையில், "ஸ்காட்லாந்து தேசிய அணியின் வீரர் பில்லி கில்மோர், COVID-19 க்கு சாதகமாக சோதனை செய்ததாக உறுதிப்படுத்தபட்டுள்ளது.
எனவே Hampden Park விளையாட்டு அரங்கத்தில் நடைபெறவுள்ள நாளைய யுஇஎஃப்ஏ யூரோ 2020 குரூப் டி போட்டியில் அவர் கலந்துகொள்ள மாட்டார்" என கூறப்பட்டுள்ளது.
ஸ்காட்லாந்தின் பயிற்சித் தளம் இருக்கும் டார்லிங்டனில் உள்ள ஒரு ஹோட்டலில் கில்மோர் 10 நாட்கள் சுயமாக தனிமைப்படுத்திக்கொள்ள உள்ளார்.
ஸ்காட்லாந்தின் வீரர்கள் தவறாமல் தினமும் மருத்துவ பரிசோதனைக்கு உட்படுத்தப்படுகிறார்கள்.
மேலும் கில்மோருக்கு தொற்று உறுதியானதால், அணியின் மற்ற வீரர்களுக்கும் கோவிட் சோதனை செய்யப்படுகிறது.
சுழிபுரம் மேற்கு, London, United Kingdom
21 Apr, 2024
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
