லங்காசிறி FM
வெறும்வயிற்றில் தக்காளி சாறு குடித்தால் கிடைக்கும் பயன் என்ன ?
Pavi
காலையில் வெறும் வயிற்றில் தக்காளி சாறு குடிப்பது முழு உடலுக்கும் ஆரோக்கியத்திற்கும் நன்மை பயக்கும். இது செரிமானத்தை மேம்படுத்தும். இது நோய் எதிர்ப்பு சக்தியையும் பெரிதும் அதிகரிக்கிறது.
அது மட்டுமல்லாமல் உடலில் உள்ள அழுக்குகளை அகற்றவும் இது செயல்படுகிறது. தக்காளி சுவை மற்றும் ஆரோக்கியத்தின் பொக்கிஷமாக கருதுகிறார்கள். ஒவ்வொரு வீட்டிலும் ஒவ்வொரு நாளும் பயன்படுத்தப்படும் காய்கறிவகைகளில் தக்காளி ஒன்றாகும்.
இதை வைத்து தக்காளி சாலட், சூப் போன்ற பல வகையான உணவுகளை செய்யலாம். தக்காளி சாறு குடிப்பதால் ஒன்று அல்லது இரண்டு மட்டுமல்ல, எண்ணற்ற நன்மைகளும் உடலுக்கு கிடைக்கும்.
இது உடலை பல பிரச்சனைகளில் இருந்து பாதுகாக்க உதவுகிறது. எனவே இந்த தக்காளி சாறை வெறும் வயிற்றில் குடிப்பதால் என்ன பயன் என்பதை பார்க்கலாம்.
தக்காளி சாறு பயன்
எடை குறைப்பு- தக்காளியில் மிகக் குறைந்த கலோரி உள்ளது. இது எடை குறைக்க உதவுகிறது. உங்கள் எடை அதிகரித்து அதனால் நீங்கள் சிரமப்பட்டால் தினமும் காலையில் வெறும் வயிற்றில் ஒரு கிளாஸ் தக்காளி சாறு குடிக்கலாம். இது உங்கள் கொழுப்பை கரைத்து உடலை கட்டுக்கோப்பாக வைக்க உதவும்.
எலும்புகள் - பலவீனமான எலும்புகளின் பிரச்சனையால் சிரமப்படுபவர்கள் தக்காளி சாறு உட்கொள்வது உங்களுக்கு நன்மை பயக்கும். இதற்கு காரணம் இதில் வைட்டமின் கே மற்றும் கால்சியம் நிறைந்துள்ளது. எனவே காலை எழுந்தவுடன் ஒரு சிறிய டம்ளர் அல்லது கிளாஸின் அளவில் தக்காளி சாறு குடித்தால் நன்மை தரும். எலும்புகள் வலுவடையும்.
வயிற்றுக்கு- தக்காளி சாறு உட்கொள்வது வயிறு தொடர்பான பிரச்சனைகளை நீக்குகிறது. வாந்திபேதி, வயிற்றுளைவு, மலச்சிக்கல் போன்ற பிரச்சனைகள் இந்த தக்காளி சாற்றை வெறும் வயிற்றில் குடித்தால் இருக்காது. நீங்கள் இந்த சாறுடன் கருப்பு உப்பு சேர்த்தும் குடிக்கலாம்.
இதயம் - இதய நோயாளிகள் தங்கள் உணவில் மிகவும் கவனம் செலுத்த மருத்துவர்களால் அறிவுறுத்தப்படுகிறார்கள். இதற்க காரணம் தக்காளி இதய ஆரோக்கியத்திற்கு நல்லது என்று கருதப்படும் ஒரு காய்கறியாகும். எனவே இதய நோயாளிகள் தினமும் வெறும் வயிற்றில் இந்த தக்காளி சாறை எடுத்து கொள்ளலாம். அல்லது உணவில் சேர்த்தும் கொள்ளலாம்.
தோல் - தக்காளியில் லைகோபீன், வைட்டமின் சி மற்றும் வைட்டமின் ஈ போன்ற ஆக்ஸிஜனேற்றிகள் உள்ளன. இவை உடலில் உள்ள ஃப்ரீ ரேடிக்கல்களை எதிர்த்துப் போராடும். இது சருமத்தை ஆரோக்கியமாக வைத்திருக்க உதவும். இதனால் தோல் சம்பந்தப்பட்ட பிரச்சனைகள் வராது. இறந்த கலங்களும் நமது சேருமத்தை விட்டு நீங்கி ஒரு புது பொலிவை கொடுக்கும்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
ஆனைக்கோட்டை, மட்டக்களப்பு, கொழும்பு, யாழ்ப்பாணம், Manchester, United Kingdom
27 Feb, 2024
வண்ணார்பண்ணை, யாழ்ப்பாணம், நல்லூர் கல்வியங்காடு, திருநெல்வேலி, யாழ்ப்பாணம், கிளிநொச்சி
25 Feb, 2025
நெடுந்தீவு, உருத்திரபுரம், ஸ்கந்தபுரம், London, United Kingdom
23 Feb, 2025
