உங்க குடும்பம் எங்கே சார்? முதல்வர் விஜய்க்கு ‘பர்சனல்’ கவுண்டர்! இணையத்தில் சூடுபிடிக்கும் இருதரப்பு மோதல்

முன்னாள் உச்ச நடிகராக திகழ்ந்த விஜய் முதல்வராக பதவியேற்றதில் இருந்தே அரசியலையும் சிமாவையும் பிரித்து பார்க்க முடியாத ஒரு சூழல் உருவாகியிருக்கின்றது என்றால் மிகையாகாது. 

சட்டசபையில், சினிமா பாணியில் கதை கூறுவது, சினிமா பிரபலங்களுடன் புகைப்படங்கள் எடுத்துக்கொள்வது என ஏதாவது ஒரு விடயம் இணையத்தை ஆக்கிரமித்து வருகின்றது.

முதல்வர் விஜய்க்கு ‘பர்சனல்’ கவுண்டர்

இந்நிலையில், சட்டப்பேரவையில் ஆளுநர் உரை மீதான விவாதத்துக்கு இன்று முதலமைச்சர் விஜய் பதிலளித்தபோது, அவை அரங்கில் பரபரப்பான தருணங்கள் அரங்கேறின. டாஸ்மாக் தொடர்பான விவகாரத்தை முன்வைத்து பேசிய விஜய், “டாஸ்மாக் கட்சி நிதி” என குறிப்பிட்டதாக கூறப்படுகிறது.

இதற்கு திமுக உறுப்பினர்கள் கடும் எதிர்ப்பு தெரிவித்து முழக்கமிட்டனர். இதனால் அவையில் சலசலப்பு ஏற்பட்ட நிலையில், திமுக உறுப்பினர்கள் வெளிநடப்பு செய்தனர்.

அதன்பிறகு தனது உரையைத் தொடர்ந்த முதலமைச்சர் விஜய், ஒரு குட்டிக்கதையை கூறி எதிர்க்கட்சிகளை விமர்சித்தார். வெயிலில் நின்று எதையோ தேடிக்கொண்டிருந்த வயதான ஒருவரிடம் சிறுவன் ஒருவர், “என்ன தேடுகிறீர்கள்?” எனக் கேட்டதாகவும், அதற்கு அந்த நபர் “உன் அப்பாவைத் தேடுகிறேன்” என பதிலளித்ததாகவும் அவர் தெரிவித்தார்.

“இப்படிப்பட்ட சம்பந்தமில்லாத கதைகளை எதிர்க்கட்சிகளைப் போல நானும் சொல்ல முடியும்” என்று விஜய் கூறியதுடன், அந்த குட்டிக்கதை அரசியல் வட்டாரங்களில் பேசுபொருளாக மாறியது.

இந்த நிலையில், முதலமைச்சரின் பேச்சுக்கு திமுக தொழில்நுட்ப பிரிவு தனது எக்ஸ் தளப் பதிவின் மூலம் பதிலடி கொடுத்துள்ளது.

வைரலாகும் பதிவு

“சட்டமன்றம் என்பது மக்களின் பிரச்சினைகளை விவாதிக்கும் மாண்புமிகுந்த இடம்” என்று தொடங்கிய அந்த பதிவு, விஜயை “இன்ஸ்டா அரசன்” என விமர்சித்ததுடன், அவரது குடும்ப வாழ்க்கையைச் சுட்டிக்காட்டும் வகையிலான கேள்விகளையும் எழுப்பியுள்ளது.

குறிப்பாக, “உங்க குடும்பம் எங்கே சார்? அவர்களை ஏன் இப்படி நடுத்தெருவில் கைவிட்டீர்கள்?” என்ற வரிகள் சமூக வலைதளங்களில் கடும் விவாதத்தை ஏற்படுத்தியுள்ளன.

அரசியல் விமர்சனமாகத் தொடங்கிய இந்த மோதல், தற்போது தனிப்பட்ட வாழ்க்கை குறித்த குற்றச்சாட்டுகள் வரை சென்றுள்ளதால், சமூக வலைதளங்களில் ஆதரவு-எதிர்ப்பு கருத்துக்கள் குவிந்து வருகின்றன. விஜயின் குட்டிக்கதையா, திமுகவின் பதிலடியா — எது அதிகம் வைரலாகும் என்பது தற்போது அரசியல் ரசிகர்களின் கவனத்தை ஈர்த்துள்ளது.

சட்டமன்றம் என்பது மக்களின் வாழ்வாதாரப் பிரச்சினைகளைப் விவாதிக்கும் மாண்புமிகுந்த இடம். அங்கே மிக மலிவாக, சட்டமன்றத்தின் கண்ணியத்தையே குழிதோண்டிப் புதைத்திருகிறார் இந்த 'இன்ஸ்டா அரசன்'!

எதிர்க்கட்சிகளை நக்கல் செய்கிறேன் பேர்வழி என அடுத்தவர் அப்பாவைத் தேடும் C.M சார், நாங்க… pic.twitter.com/8bcLwzLYuL

— DMK IT WING (@DMKITwing) June 23, 2026