டிஸ்சார்ஜ் செய்யப்பட்டுவிட்டாரா கமல்ஹாசன்? தீயாய் பரவும் புகைப்படம்
கொரோனா தொற்றின் காரணமாக மருத்துவமனையில் அனுமதிக்கப்பட்டிருக்கும் நடிகர் கமல்ஹாசன் மருத்துவமனையிலிருந்து வீடு திரும்பியுள்ளதாக தகவல் ஒன்று தீயாய் பரவி வருகின்றது.
மக்கள் நீதி மய்யத்தின் தலைவரும், பிரபல நடிகருமான கமல்ஹாசன் சில நாட்களுக்கு முன்னர் அமெரிக்கா பயணத்தை முடித்துக் கொண்டு சென்னை திரும்பிய போது சளி இருமல் தொந்தரவு ஏற்பட்டுள்ளது.
இதையடுத்து மருத்துவமனையில் கொரோனா பரிசோதனை மேற்கொண்டதில் அவருக்கு வைரஸ் தொற்று இருப்பது உறுதியானதையடுத்து, தற்போது தனியார் மருத்துவமனையில் சிகிச்சை பெற்று வருகின்றார்.
தற்போது நலமாக இருப்பதாக கடந்த சனிக்கிழமை பிக்பாஸ் நிகழ்ச்சியின் மூலம் கூறிய நடிகர் கமல்ஹாசனின் பழைய புகைப்படம் ஒன்று வைரலாகி அவர் குணமாகி வீடு திரும்பியுள்ளார் என்ற தகவலை கிளப்பியுள்ளது.
முன்பு காலில் அறுவை சிகிச்சை செய்துவிட்டு வீடு திரும்பிய போது அவரது குடும்பத்தினர் ஆரத்தி எடுத்து உள்ளே அழைக்கும் புகைப்படம் தான் அது.
ஆனால் தற்போது கமல்ஹாசன் மருத்துவமனையில் சிகிச்சை பெற்று வருகின்றார் என்றும் இன்னும் வீடு திரும்பவில்லை என்றும் உண்மையான நிலவரம் வெளியாகியுள்ளது.