திடீர் மரணத்துக்கு இதுதான் காரணம்... போண்டா மணி மரணம் குறித்து பயில்வான் பகீர்!

பிரபல நகைச்சுவை நடிகர் போண்டா மணியின் திடீர் மரணத்தின் காரணம் குறித்து  பயில்வான் ரங்கநாதன் YouTube தளத்திற்கு வழங்கியுள்ள தகவல் தற்போது இணையத்தை ஆக்கிரமித்து வருகின்றது. 

நடிகர் போண்டா மணி

தமிழ் சினிமாவில் பிரபல நகைச் சுவை நடிகரான போண்டா மணி இலங்கையிலிருந்து தமிழ்நாட்டிற்கு வந்தவர்.

இவர், 1991 ஆம் ஆண்டு பாக்யராஜின் பவுனு பவுனுதான் படத்தில் ஒரு சிறிய கதாபாத்திரத்தில் அறிமுகமானார்.

இந்த ராசியினருக்கு காதலில் வெற்றி சுலபமாக கிடைத்துவிடுமாம்... உங்க ராசியும் இருக்கானு பாருங்க

ரஜினிகாந்தின் முத்து உள்ளிட்ட சில திரைப்படங்களில் போண்டா மணி தலைகாட்டி இருந்தாலும், விவேக்குடன் இணைந்து காமெடி காட்சிகளில் நடிக்க தொடங்கிய பிறகு, தனக்கான ஒரு அடையாளத்தை உருவாக்கிக் கொண்டார்.

வடிவேலுவுடனும் இணைந்து, வின்னர், வசீகரா, சச்சின் போன்ற படங்களிலும் காமெடியில் கலக்கினார். குறிப்பாக கண்ணும் கண்ணும் படத்தில் போலீஸ் வந்து அடித்து கேட்டாலும் சொல்லாதீங்க என வடிவேலுவிடம் இவர் கூறும் காட்சி, ரசிகர்கள் மனதில் நீங்கா இடம் பிடித்துள்ளது.

இவருக்கு கடந்த கடந்தாண்டு சிறுநீரகப் பிரச்சனை ஏற்பட்ட நிலையில், நேற்று முன்தினம் இரவு 11 மணியளவில் பல்லாவரத்தில் உள்ள அவருடைய வீட்டில் மயங்கி விழுந்தார்.

பின்னர் அவரின் மகன் மற்றும் குடும்பத்தினர் ஆட்டோவில் மருத்துவமனைக்கு கொண்டு சென்ற நிலையில், அவரை பரிசோதித்த மருத்துவர்கள் ஏற்கனவே இறந்து விட்டதாக கூறினர்.

இதை தொடர்ந்து நேற்றைய தினம் இவரின் இறுதிச்சடங்கு நடைபெற்றது. அதில் நடிகர்கள் செந்தில், மன்சூர் அலிகான், சிங்கமுத்து, சிக்சர் மனோகர், முத்துக்காளை, பெஞ்சமின், அம்பானி சங்கர், பாவா லட்சுமணன், இமான் அண்ணாச்சி, மீசை ராஜேந்திரன், சௌந்தர்ராஜன், காதல் சுகுமார், உள்ளிட்ட பல நடிகர்கள் கலந்து கொண்டனர்.

பயில்வான் ரங்கநாதன் அதிர்ச்சி தகவல்

இந்நிலையில் போண்டாமணியின் மரணம் குறித்து YouTube தளத்தில் பேசி உள்ள பயில்வான் ரங்கநாதன் அவருடைய மரணத்தின் காரணம் குறித்து பகிர்ந்து கொண்டுள்ள தகவல் அதிர்ச்சியை ஏற்படுத்தியுள்ளது.

போண்டா மணி தன்னுடைய நண்பர் என்றும், இலங்கையில் இருந்து அகதியாக வந்த அவருக்கு இப்போது வரை பாஸ்போர்ட் இல்லை. இலங்கையில் பிறந்திருந்தாலும், இவர் தமிழ் மீது தீராத பற்று கொண்டவர் என தெரிவித்துள்ளார்.

ஒரு நாள் கூட ஓய்வில்லாமல் படப்பிடிப்பு மற்றும் கலை நிகழ்ச்சிகளில் கலந்து கொண்டு பரபரப்பாக இயங்கி வந்த போண்டா மணிக்கு, பணத்தை சம்பாதிக்க தெரிந்த அளவுக்கு சேர்த்து வைக்க தெரியவில்லை.

அவர் இல்லாத நிலையில் இவரின் குடும்பத்தினர் நிலை என்ன என்பது தெரியவில்லை... என தன்னுடைய வருத்தத்தை பதிவு செய்துள்ள பயில்வான் ரங்கநாதன், போண்டாமணிக்கு எந்த ஒரு கெட்ட பழக்கமும் இல்லை என்றும் தெரிவித்துள்ளார்.

மேலும் கடந்த ஆண்டு இரண்டு கிட்னியும் போண்டா மணிக்கு செயல் இழந்த நிலையில், கிட்னி மாற்று அறுவை சிகிச்சைக்காக காத்துக் கொண்டிருந்தார்.

இதில் மிகவும் கொடுமையான விஷயம் என்னவென்றால் இரண்டு முறை கிட்னி கிடைத்தும், அந்த கிட்னி அவருக்கு பொருந்தாதலால் அறுவை சிகிச்சை நடைபெறாமல் போனது.

குளிர்காலத்தில் இந்த பழத்தை சாப்பிடலாமா? கட்டாயம் தெரிஞ்சிக்கோங்க

இதனால் மாதத்திற்கு மூன்று அல்லது நான்கு முறை டயாலிசிஸ் செய்ய வேண்டும் என்கிற நிலை அவருக்கு இருந்தது. போண்டாமணி இறந்த அன்று, அவருக்கு டயாலிசிஸ் செய்யப்பட்டிருக்க வேண்டும்.

கையில் பணம் இல்லாததால் நாளை செய்து கொள்ளலாம் என இருந்துள்ளார். ஆனால் அதற்குள் அவரின் உயிர் பிரிந்துள்ளது என கண் கலங்கியபடி கூறியுள்ளார். இந்த தகவல் ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது.