உடல் எடையை விரைவில் குறைக்கும் ஆப்பிள் சீடர் வினிகர்! எந்த நேரத்தில் எவ்வளவு சாப்பிடனும்?

ஆப்பிள் பழச்சாற்றிலிருந்து தயாரிக்கப்படும் ஆப்பிள் சிடர் உடல் சார்ந்தும், அழகு சார்ந்தும் பல நன்மைகளைக் கொண்டிருக்கிறது.

இரும்புச்சத்து, ஃப்ளோரின், கால்சியம், மெக்னீசியம், பொட்டாசியம், காப்பர், சோடியம் என ஐம்பதிற்கும் மேற்பட்ட ஊட்டச்சத்துக்கள் நிறைந்துள்ளன. ஆப்பிள் சிடர் வினிகரில் விட்டமின் சத்து ஏ, பி1, பி2, பி6 மற்றும் இ ஆகியவை நிறைந்துள்ளன.

குறிப்பாக ஆப்பிள் சிடர் வினிகர், நமது உடலின் வளர்சிதை மாற்ற விகிதத்தை ஒழுங்குபடுத்தி, உடல் எடையை குறைக்க உதவுகின்றது.

அந்தவகையில் தற்போது இதனை எப்படி எடுத்து கொள்ளலாம்? இது எவ்வாறு உடல் எடையை குறைக்க உதவுகின்றது என பார்ப்போம்.

எப்படி எடுத்து கொள்ளலாம்?

வெதுவெதுப்பான நீரில், ஆப்பிள் சிடர் வினிகரை சிறிதளவு சேர்த்து அதை வெறும் வயிற்றில் குடித்து வந்தால், உடல் எடையை வெகுவிரைவில் குறைக்க உதவுவதுடன், உடலில் தேங்கியுள்ள கொழுப்பை கரைக்கவும் உதவுகிறது.

எந்த நேரத்தில் குடிக்கலாம்?

உடல் எடையை குறைக்க நினைப்பவர்களுக்கு, ஆப்பிள் சிடார் வினிகர் சிறந்த தீர்வினை அளிக்கிறது. சிலர் காலையில் வெறும் வயிற்றில் குடிக்க வேண்டும் என்று சிலரும், இரவு நேரத்தில் குடிக்க வேண்டும் என்று சிலரும் சொல்லி வருகின்றனர்.

ஆப்பிள் சிடார் வினிகரை, தினமும் காலை நேரத்தில் அருந்துவதால் நமது உடலில் தங்கியுள்ள நச்சுக்கள் விரைவில் நீக்கப்படுகிறது. இதன்காரணமாக, நமது உடல் புத்துணர்வு பெறுகிறது.

காலை நேரத்தில், ஆப்பிள் சிடார் வினிகரை குடிப்பதால், நமது உடலின் pH அளவு கண்காணிக்கப்படுகிறது. நோய் எதிர்ப்பு சக்தி அதிகரிக்கிறது மற்றும் ஸ்டாமினாவை அதிகரிக்க செய்கிறது.

எந்த அளவிற்கு குடிக்க வேண்டும்?

நாள் ஒன்றுக்கு 1 அல்லது 2 ஆப்பிள் சிடார் வினிகரை நாம் குடித்து வர வேண்டும். இதனை நாம் நேரடியாக எடுத்துக் கொள்ளக் கூடாது. ஆப்பிள் சிடார் வினிகரை, தண்ணீரில் சேர்த்தே குடிக்க வேண்டும். இதை குடித்த உடன், வாயை நன்கு கழுவி விட வேண்டும்..

ஏனெனில், ஆப்பிள் சிடார் வினிகர் என்பது பாக்டீரியா உள்ளிட்ட நுண்ணுயிரிகளால் நொதிக்கப்பட்ட திரவம் ஆகும். இந்த நொதிக்கப்பட்ட திரவத்தை, நாம் வாயில் நீண்ட நேரம் வைத்திருந்தாலோ அல்லது இருக்கும் பட்சத்திலோ அது பற்கள் சேதம் அடைவதற்கு வாய்ப்பு அதிகம் உள்ளது.

உடல் எடையை குறைக்க எவ்வாறு உதவுகின்றது?

ஆப்பிள் சிடார் வினிகரில் கலோரி மிக குறைந்த அளவில் உள்ளது. இது சிறந்த டிடாக்சிபையிங் டிரிங் ஆக செயல்பட்டு, நமது உடலில் தங்கியுள்ள நச்சுக்களை அகற்ற உதவுகிறது.

தினமும் சிறிதளவு ஆப்பிள் சிடார் வினிகரை குடித்து வருவதன் மூலம், ரத்தத்தில் டிரைகிளிசரைடுகளின் அளவை குறைத்து, உடலின் இடுப்பு பகுதியில் தேங்கியுள்ள தேவையில்லாத கொழுப்புகளை அகற்ற உதவுகிறது.

ஆப்பிள் சிடார் வினிகரில் உள்ள அதிகளவிலான ஆன்டி ஆக்சிடண்ட்கள், உடலில் தங்கியுள்ள கொழுப்பை கரைக்க உதவுகிறது.

பசி உணர்வை கட்டுப்படுத்துவதில், ஆப்பிள் சிடார் வினிகர் முக்கிய பங்கு வகிக்கிறது. ஆப்பிள் சிடார் வினிகரை தொடர்ந்து பயன்படுத்தி வருவதால், நம் உணவு உட்கொள்ளுதலை குறைத்து, அதிகளவிலாக கலோரி உண்டாவதை தடுக்கிறது. இது உடல் எடை குறைப்பிற்கும் முக்கிய பங்கு வகிக்கிறது.