விக்ரமின் குரங்கு வீடியோவால் சிக்கலில் சம்பந்தி! வனத்துறை விசாரணை

Viral Lar Gibbon Post : நடிகர் விக்ரம் தனது இன்ஸ்டாகிராம் பக்கத்தில் அரியவகை ‘லார் கிப்பன்’ (Lar Gibbon) குரங்குடன் விளையாடும் வீடியோவை வெளியிட்டிருந்தார். அந்த வீடியோவில், குரங்கை மடியில் வைத்துக் கொஞ்சி விளையாடும் காட்சிகள் இடம்பெற்றிருந்தன.வீடியோ சமூக வலைதளங்களில் கவனம் பெற்றதுடன், சர்ச்சையையும் ஏற்படுத்தியது.

‘லார் கிப்பன்’ அழிவின் விளிம்பில் உள்ள பாதுகாக்கப்பட்ட வனவிலங்கு இனமாகும்.சர்வதேச வனவிலங்கு வர்த்தக விதிமுறைகள் மற்றும் இந்திய வனவிலங்கு பாதுகாப்புச் சட்டத்தின் கீழ் பாதுகாக்கப்படும் இந்த குரங்கை வீட்டில் செல்லப்பிராணியாக வளர்க்க அனுமதி உள்ளதா என்ற கேள்வி எழுந்தது.

த்ரிஷா பாட்டிக்கு 98வது பிறந்தநாள்: குடும்ப புகைப்படத்தை பார்த்து வியந்த ரசிகர்கள்!

வனதுறையினர் விசாரணை 

மேலும், அந்த குரங்கு எங்கிருந்து கொண்டு வரப்பட்டது, அதை வளர்ப்பதற்கான உரிய ஆவணங்கள் உள்ளனவா என்றும் சமூக வலைதளங்களில் கேள்விகள் எழுப்பப்பட்டன. இதையடுத்து விக்ரம் அந்த வீடியோவை தனது இன்ஸ்டாகிராம் பக்கத்திலிருந்து நீக்கினார்.

இருப்பினும், இந்த விவகாரம் வனத்துறையின் கவனத்திற்குச் சென்ற நிலையில், முதற்கட்ட விசாரணை தொடங்கப்பட்டுள்ளது. விக்ரமின் மகள் அக்‌ஷிதாவின் கணவர் மனு ரஞ்சித், ‘கெவின்கேர்’ நிறுவனத் தலைவர் சிகே ரங்கநாதனின் மகன் ஆவார்.

விஜய் - சங்கீதா விவாகரத்து வழக்கு வாபஸ் - பின்னணியில் இருக்கும் முக்கிய காரணம் இதுவா!

வீடியோவில் இடம்பெற்ற குரங்கு சிகே ரங்கநாதனின் வீட்டில் வளர்க்கப்படுவதாக கூறப்படும் நிலையில், அவரிடம் வனத்துறை அதிகாரிகள் விசாரணை நடத்தியதாக தகவல் வெளியாகியுள்ளது.

விசாரணையின்போது, அரியவகை ‘லார் கிப்பன்’ குரங்கை வைத்திருப்பதற்கான உரிய ஆவணங்கள் தொடர்பாக கேள்விகள் எழுப்பப்பட்டதாக கூறப்படுகிறது. மேலும், அந்த குரங்கு மணிப்பூரில் இருந்து வாங்கி வரப்பட்டதாகவும் தகவல்கள் வெளியாகியுள்ளன.

எனினும், இதுதொடர்பான தகவல்கள் அதிகாரப்பூர்வமாக உறுதி செய்யப்படவில்லை. இந்த விவகாரம் தொடர்பாக நடிகர் விக்ரம் இதுவரை விளக்கம் அளிக்கவில்லை. அவரிடமும் வனத்துறை விசாரணை நடத்த வாய்ப்புள்ளதாக கூறப்படுகிறமை குறிப்பிடத்தக்கது.